Тошкентда ҳоким ёрдамчиси 30 минг доллар билан қўлга тушди

Ҳоким ёрдамчиси тадбиркорлик билан шуғулланмоқчи бўлган фуқарога пойтахтнинг Учтепа тумани ҳудудида 4 та савдо дўкони қуриши учун юқори лавозимларда ишловчи танишлари орқали жами 210 м.кв ер майдонини аукцион савдолари орқали ютиб, унинг номига расмийлаштириб бериш эвазига пул талаб қилган.

У тезкор тадбир давомида 30 минг АҚШ доллари олган вақтида ашёвий далиллар билан ушланди.

Маълум бўлишича, ҳоким ёрдамчиси аввал ҳам Жиноят кодексининг 167, 168, 205 ва бошқа моддалари билан 3 маротаба судланган бўлган.

Ҳозирда унга нисбатан ЖКнинг 168-моддаси 4-қисми “а” банди ва 28,211-моддасининг 3-қисми “а” банди билан жиноят иши қўзғатилиб, қамоққа олинган.

Расмий саҳифаларимиз 👇
Telegram / Facebook  / Twitter / instagram  / You tube