Yanvar oyi. Qorli bo’ronlar mavsumi tugab, quruq sovuq hukumron. Oqshomda qalin tuman tushdi. Ammo bugun havo ochiq. Uzoqda suzib yurgan aysberglar quyosh nurida yaraqlab, durbindan qaragan ko’zlarni chaqnatib yuboradi. Yigitlar oroldan hechvaqo topa olmay, kemaga qaytdilar. Kapitanning tobi qochdi. Huzuriga faqat keksa oshpaz Polloni qo’yadi. Pollo o’tkir hidli, yovvoyi yalpizdan tayyorlangan choyni majburlab ichiradi. Xaritadan eng yaqin bo’lgan quruqlikdagi kema bandargohini belgilayapti yigitlar. Menimcha kemani ta’mirlashimiz zarur. Kema peshonasidagi katta oynadan dengizga termulaman. Oppoq orollar, kulrang osmon, moviy dengiz. Naqadar go’zal tasvir…