@ * * * * * * * @

Кўзингга жо этибсан ёр, муҳаббатнинг чашмасини.

Баҳраманд айлагин, дилдор, менингдек ишқ ташнасини.

Неча зебо тутиб бода, ёнимда айлагай жилва

Хушламас бул кўнгил зинҳор, ўзингдин ҳеч бошқасини

Жамолингни шуъласига бўлур парвона бу жоним

Қаю шам қувлагай мафтун ки парвона ошнасини.

Куйингда ўртаниб барно, ёнар қалбим олов янглиғ

Ўчирмоқ истасанга чўғга бос оёғинг пошнасини