@ БОЛАЛИГИНГ БЕҒУБОР ЭДИ @
Сўрида хаёл суриб ўтирган чолдан: " Болаларингизни соғиндингизми?", -деб сўрашибди.
У эса: " Болаларимнинг болалигини соғиндим", - дея жавоб берибди.(Гурунгдан).
- - - - - - -
Отангни кўрганда қулочинг очиб
Чопардинг қийқириб, меҳрингни сочиб
Дунё ташвишлари кетарди қочиб,
Болалигинг гўзал эди, болалигинг.
Ачомлаб бўйнидан ўпиб юзидан
Эргашардинг сира қолмай изидан
Бахтлини билмасди отанг, ўзидан
Болалигинг ширин эди,болалигинг.
От бўлиб, опичиб югурар эди.
Сен учун ҳар нега улгурар эди
Ҳориб турганда ҳам кулдирар эди
Болалигинг тотли эди,болалигинг.
Қўлингдан етаклаб юрарди шодон
Орзулари учун етмасди осмон
Мендан ранжимагин, гапимга ишон
Болалигинг файзли эди,болалигинг.
Ташлаб қўймагансан отанг, ҳозир ҳам
Аммо бир қучоқлаб, ўпдингми, укам.
Гўдакликка қайтгин, ёнида бир дам,
Болалигинг хумор энди,болалигинг...
https://t.me/ijod_qalbi