@ # @ М А Й Л И М И @ # @

Бировнинг шодлиги хурсанд қилмаса.
Ўзганинг ташвиши бағринг тилмаса.
Етиму есирга раҳминг келмаса,
Гапириб ўтирма инсонийликдан.

Ҳажга бориб келиб одам ўйнасанг.
На кўзинг, на ўзинг сира тўймасанг.
Шилқим қилиғингни сира қўймасанг
Сўз очиб ўтирма инсонийликдан.

Кўнгилхушлик учун оғритсанг кўнгил.
Ёлғон сўзламоқдан тиёлмасанг тил.
Валломат бўлсанг ҳам бир нарсани бил
Ваз ўқиб ўтирма инсонийликдан.

Эгилсанг бошига кўтаради эл
Кеккайсанг тупроқдек учиради ел.
Атрофингга қара, сал ўзингга кел
Ҳеч қачон чиқмагин инсонийликдан..

https://t.me/ijod_qalbi