***
Интиқиб кутганим — битта жавобинг.
Ушалмас орзулар учун хирождир.
Аллоҳ, ато этган ҳар бир савобинг
Гоҳ эгик, гоҳ мағрур бошимга тождир.

Йўлдан қайтганларни суймайди жиним,
Асло тоқатим йўқ Сўздан озгали.
Юрак деганлари билмайди тиним —
Фурсат тополмайди дардин ёзгали.

Шу зайл ўтмоқда ўлчовли умр,
Уфққа урилади турналар оҳи.
Ғанимат тонгларни сув каби симир,
Қаттиқроқ тикилар шомлар нигоҳи.

Беадад узундир Яратган қўли,
Манзилдан манзилга толдириб етар.
Умрим ҳижжалаган ул Сомон йўли
Мени яна Ерда қолдириб кетар...

Одил ҲОТАМ

Уланиш учун: https://t.me/ijod_bustoni