Учқўрғон тумани йўллар бўлими ходимлари зимистон кунларида йўлларни ҳаракат учун хавфсиз ҳолда сақлаш мақсадида фаол ишлар олиб боришмоқда. Айниқса, йўлларда музламаларга қарши курашиш ишлари жадаллик билан ташкил этилган.

Бу ишлар доирасида махсус техникалар ёрдамида йўлларга қум ва туз аралашмаси сочилмоқда. Йўлларнинг турли қисмларидаги музламаларни бартараф этишга алоҳида эътибор қаратилмоқда. Ҳаракат хавфсизлигини таъминлаш мақсадида тадбирлар куну тун давом этмоқда.

Туман йўллар бўлими ходимларининг саъй-ҳаракатлари йўл ҳаракати қатнашчилари учун қулай ва хавфсиз шароит яратишга хизмат қилади. Уларга зиммага юкланган масъулиятли вазифаларда омад ва куч-қувват тилаймиз.