Uchqo‘rg‘on tuman hokimligi | Rasmiy kanal

Туман ҳокими 15 гектар майдондаги замонавий гидропоника усулида қулупнай етиштириш лойиҳаси билан танишди

Туман ҳокими бошчилигидаги ишчи гуруҳ 15 гектар майдонда гидропоника усулида қулупнай етиштириш лойиҳаси доирасида амалга оширилаётган ишлар билан танишди.

Ташриф давомида лойиҳа жадал суръатда олиб борилаётгани, замонавий технологиялар жорий этилаётгани ва ҳосилдорликни ошириш бўйича инновацион ёндашувлар қўлланаётгани таъкидланди. Шунингдек, тадбиркорлар билан очиқ мулоқот ўтказилиб, мавжуд имкониятлар ва камчиликлар муҳокама қилинди.

Туман раҳбарияти ишларни янада жадаллаштириш, ҳосилдорликни ошириш ва бозорбоп маҳсулот етиштириш бўйича тавсиялар бериб, тадбиркорларга ҳар томонлама қўллаб-қувватлашини маълум қилди.

Туман ҳокими бошчилигидаги ишчи гуруҳ "Бахт маш сервис" ММТП ҳудудида иш олиб борди

Бугун туман ҳокими бошчилигидаги ишчи гуруҳ "Бахт маш сервис" ММТП ҳудудида бўлиб, ҳудудни ободонлаштириш ва дала маданиятини юксалтириш борасида амалий ишларга старт берилди.

Ташриф давомида ариқ ва зовурларни тозалаш ва бетонлаш, шунингдек, далалар четларига минтақанинг иқлим шароитига мос, даромад келтирадиган дарахт кўчатларини экиш масалалари муҳокама қилинди. Шу муносабат билан фермер хўжаликлари раҳбарлари ва масъул вакилларга аниқ топшириқлар берилди.

Белгиланган вазифаларни бажаришда ҳамжиҳатлик ва масъулиятли ёндашув муҳим эканлиги таъкидланди. Туман раҳбарияти бу борада тизимли ишлар давом эттирилишига алоҳида эътибор қаратишини маълум қилди.

Тиббиётдаги ислоҳотлар

Учқўрғон туманида биринчи маротаба туманлараро қўшмашикастлар ва қон томир жаррохлик бўлимида буйрак трансплантацияси амалиёти муваффақиятли амалга оширилди.

Амалиётни Республика ихтисослаштирилган илмий амалий жаррохлик марказининг тажрибали жаррохлари – профессор Фазлиддин Бахриддинов бошчилигидаги жамоа, шунингдек, профессор Қодиржон Маҳмудов, қон томири жаррохлари Ойбек Тоиров ва Жавлонбек Мусаевлар мукаммал қилиб амалга оширишди.

Бу амалиёт авваллари фақат республика марказида амалга оширилар эди, аммо эндиликда Учқўрғон туманида ҳам бу каби мўжизавий амалиётларни олиб бориш имконияти пайдо бўлди. Бу аҳолининг тиббий хизматга бўлган ишончи ва эркинлиги учун катта аҳамиятга эга.

Бу амалиётнинг ўтказилиши нафақат маҳаллий аҳоли учун, балки бутун вилоят учун муҳим қадам бўлиб, тиббиёт соҳасидаги юксак муваффақиятни намоён этмоқда. Бундай операцияларнинг минтақада кенг тарқалиши ўз навбатида, тиббиёт соҳасининг ривожланишига катта ҳисса қўшади.