#Қонунчиликдаги_янгиликлар

❗️Ажиниёз Қўсибой ўғли таваллудининг 200 йиллиги кенг нишонланади

“Атоқли қорақалпоқ шоири ва мутафаккири Ажиниёз Қўсибой ўғли таваллудининг 200 йиллигини кенг нишонлаш тўғрисида”ги Президент Қарори (ПҚ-258-сон, 16.07.2024 й.) қабул қилинди

⚡️Қарорга кўра, Ажиниёз Қўсибой ўғли таваллудининг 200 йиллиги мамлакатимизда кенг нишонланади.

✔️ Шоир таваллудининг 200 йиллигини нишонлаш ҳамда унинг ижодий меросини кенг тарғиб қилиш бўйича қуйидаги вазифаларни назарда тутувчи чора-тадбирлар дастури тасдиқланади, жумладан:

🔹шоирнинг “Танланган асарлар” тўпламини ўзбек ва қорақалпоқ тилларида нашр қилиш;

🔹шоирнинг ҳаёти ва фаолиятига бағишланган саҳна асарлари ҳамда “Ажиниёз” бадиий-публицистик фильмини яратиш ва уларнинг тақдимотларини уюштириш;

🔹Ажиниёз номидаги Нукус давлат педагогика институтида шоир музейини ташкил қилиш;

🔹Ажиниёз Қўсибой ўғлининг Мўйноқ туманидаги қабрини ободонлаштириш ва унга ёдгорлик ўрнатиш, мазкур туманда Ажиниёз Қўсибой ўғли номидаги экопарк барпо этиш;

🔹2024 йилнинг ноябрь ойида Алишер Навоий номидаги ҳамда Бердақ номидаги давлат академик театрларида шоир таваллудининг 200 йиллигига бағишланган тантанали адабий-бадиий хотира кечаларини ташкил этиш.

Каналга уланиш👇👇👇
https://t.me/huquqiyaxborot