Sogʻlom hayotning asosiy kafolati bu — toza ichimlik suvi.

🔰Sanepidqoʻmita Andijon  viloyati boshqarmasi bu borada aholining sogʻligʻini himoya qilish maqsadida muhim tadbirlarni amalga oshirmoqda.
Xususan;

🔬Suv namunalarining laboratoriya tahlillari

Aholi yashaydigan hududlardagi suv manbalaridan muntazam ravishda suv namunalari olinib, laboratoriyada tekshiruvlar oʻtkaziladi. Bu jarayon suvning mikrobiologik va kimyoviy tarkibini tahlil qilish orqali uning sanitar talablarga qanchalik mos kelishini aniqlash imkonini beradi.

🌊Ochiq suv havzalari – maxsus nazoratda

Andijon viloyatidagi ochiq suv havzalari ham doimiy ravishda tekshiruvdan oʻtkaziladi. Chunki bu havzalarda suv orqali tarqalishi mumkin boʻlgan yuqumli kasalliklarning xavfi yuqori. Shu bois, ushbu havzalarda suv tarkibidagi zararli moddalar va mikroorganizmlar muntazam nazorat qilinadi.

📝Aholi uchun tavsiyalar

Sanepidqoʻmita mutaxassislari ichimlik suvidan foydalanishda quyidagi tavsiyalarga amal qilishni  tavsiya  qiladi;

❗️Suvni qaynatish: Har qanday infeksiya xavfini kamaytirishning eng samarali usuli.

❗️Tindirish va filtrlash: Suvni mexanik qoʻshimchalardan tozalash uchun tindirish yoki filtrlash tavsiya etiladi.

❗️Oziq-ovqat tayyorlashda toza suvdan foydalanish: Bu kasalliklarning oldini olishda muhim ahamiyatga ega.

Yodda tuting! Har bir fuqaro suvning tozaligiga eʼtibor qaratishi muhim. Chunki sogʻlom hayot suvdan boshlanadi!