​​​​​​ЯНГИ ЙИЛНИНГ ИЛК ЖУМАСИ

Нозик диллар нозимаси,
Кўнгилларнинг манзумаси,
Бунча гўзал бўлмасанг сен,
Янги йилнинг илк Жумаси!

Йўқдир шайтонлар найранги,
Бордир Аллоҳим карами,
Аҳли умматнинг байрами,
Янги йилнинг илк Жумаси!

Ибодатлар инобатдир,
Ҳар лаҳзаси саодатдир,
Дуолар ҳам ижобатдир,
Янги йилнинг илк Жумаси!

Масжидларга боринг саф-саф,
Ҳар қадам юз гуноҳдан даф,
Ўқинг бугун сураий Қаҳф,
Янги йилнинг илк Жумаси!

Ҳар такбирин беноз ўқинг,
Иймон бирла ҳамроз ўқинг,
Ихлос, Фалақ ва Нос ўқинг,
Янги йилнинг илк Жумаси!

Бир савобдан бермоқ хабар,
Ажри бордир юз баробар,
Қутлуғ бўлсин эй биродар,
Янги йилнинг илк Жумаси!

Дилга ният раво қилинг,
Ибодатни бажо қилинг,
Ўлмасни ҳам дуо қилинг,
Янги йилнинг илк Жумаси!

Бунча гўзал бўлмасанг сен,
Янги йилнинг илк Жумаси!

Ўлмасбек Самарқандий.

👨‍👩‍👧‍👦 JUFTI HALOLIM