Шомдан сўнг болаларни кўчага чиқармаслик ҳақида.
Жобир (розияллоҳу анҳу) ривоят қилади: «Расулуллоҳ (соллаллоҳу алайҳи ва саллам) бундай огоҳлантирганлар: “Қоронғи тушса, болаларингизни ташқарига чиқишдан қайтаринг. Чунки у маҳалда шайтонлар тарқалади. Қоронғи тушганидан сўнг, бирон соат ўтганидан кейин уларни ўз ҳолига қўйинг. (Ётар маҳалда) Аллоҳ исмини зикр қилиб, эшигингизни беркитинг. Аллоҳ исмини зикр қилиб, чироғингизни ўчиринг. Аллоҳ исмини зикр қилиб, мешингиз оғзини боғланг ва Аллоҳ исмини зикр қилиб, идишингиз устини ёпинг. Ҳеч нарса топа олмасангиз, идиш устига бир чўпни кўндаланг қилиб ёпинг”
(Имом Бухорий, Имом Муслим ривояти).
Маълумки, жин ва шайтонлар одамларга аралашиб яшайди. Уйида тунайди, таомидан ейди, фарзандлари, бойликларига шерик бўлади. Инсон ўзича бу ҳолатдан чиқиб кетолмайди. Боиси, жинлар кўзимизга кўринмайди. Шунинг учун Пайғамбаримиз (алайҳиссалом) шайтон зараридан сақловчи, дунё ва охират яхшиликларини жамловчи бир неча одобларга буюрадилар.
JUFTI HALOLIM