Fatavakkal

#LATOIF

Qayerga qarama, negativ 🤦🏻‍♂️ Biroz pozitiv ham yozaylik 😄

Mukarram Makka shahrida bo’lib turgan paytimizda Abdulloh qori aka, qirg’izistonlik Abdulaziz domla, qadrdonimiz Hoji Akbar aka va boshqa azizlar bilan diydorlashib, miriqib suhbatlashgandik. Ana shu suhbatlardan birida Abdulaziz qori akam bir ajoyib hikoya so’zlab bergandilar:

“Bir shayx bo’lib, uning bir-biridan faqiha va donishmand uchta ayoli bor ekan. Uchchalasi ham ilmu zakovatda yetukligi, mehribonligi bois shayxga xush yoqar ekanu, ammo baribir kichigini boshqacharoq yaxshi ko’rar ekanlar (har doim bo’lgani kabi🤭)

Xullas, kunlarning birida shayx kichik xonimining uyida qolishni istabdilar, ammo afsuski o’sha kuni boshqasining navbati ekan. Shunda shayx uchta ayollarini ham chaqirib, ularga: “Har biringiz o’z fazilatingizga Qur’ondan dalil keltirasiz, qaysi biringizning dalili kuchliroq bo’lsa, bugun o’shanikida qolaman”, debdilar.

Dalil keltirishni katta xonim boshlab beribdilar:
والسابقون السابقون 🔘 أولئك المقربون 🔘
“Va AVVALGILAR, AVVALGILAR, ular yaqinroq bo’lganlardir”*

Bu dalilni eshitgan shayx katta xonimning ma’rifatiga tasanno aytib, ikkinchi xonimga yuzlanibdilar.

o’rtancha xonim ham o’zining dalilini zikr qilibdi:
حافظوا على الصلوات والصلاة الوسطى
“Namozlarni va O’RTANCHA namozni mahkam tuting”*

Shayx unga ham tahsin va tasannolar aytibdilaru, ammo ichlarida “nima bo’lsa ham, kichigim kuchliroq dalil keltirsin-da” degan umid-la kichik xonimga qarabdilar.

Kichik xonim quyidagi oyatni dalil qilib keltiribdilar:
وللآخرة خير لك من الأولى 🔘
“Albatta, OXIRGIsi sen uchun AVVALGIdan yaxshiroqdir”*

Va nihoyat shayx o’zlari umid qilganidek kuchli dalil eshitganidan juda sevinib, barcha xonimlariga tashakkur aytgan holda, kichik xonimning uyida qoladigan bo’libdilar…😎”
(hikoyaning baxtli yakuni🤭)

—————-

❗️Hikoya mobaynida keltirilgan oyatlarning faqat lug’aviy ma’nolari iroda qilingandi. Oyatlarning ma’nolari tarjimasi quyidagicha:

* “Va peshqadamlar, peshqadamlar. Ular yaqinroq bo’lganlardir” (“Voqea” surasi, 10-11 oyatlar).

* “Namozlarni va o’rta namozni mahkam tuting” (“Baqara” surasi, 238-oyat).

* “Albatta, oxirat sen uchun bu dunyodan yaxshidir” (“Duho” surasi, 4-oyat).


@Yoldoshbek_Ibrohim

Gʻarb olimlari Qur’ondan xato topish uchun yig‘ilishdi...
(Ular Qur’ondagi quyidagi oyatni keltirishdi):

"قَالَتْ نَمْلَةٌ يَا أَيُّهَا النَّمْلُ ادْخُلُوا مَسَاكِنَكُمْ لا يَحْطِمَنَّكُمْ سُلَيْمَانُ وَجُنُودُهُ وَهُمْ لا يَشْعُرُون".  (سورة النمل/ ١٨)

«...bir chumoli aytdi: «Ey chumolilar, maskanlaringga kiringlar, Sulaymon va uning askarlari sizlarni bilmasdan sindirib yubormasinlar».
(Naml surasi 18-oyat).

🔴 Ularning "xato" deb topgan so‘zi:
"يَحْطِمَنَّكُم"
...kalimasi edi.

(Bu kalima "yaxtimanna" sindirmoq, parchalamoq ma’nosini beradi).
Olimlarning aytishicha bu so‘zni qattiq (kristall) jismlarga nisbatan qo‘llanilishi kerak, chumolilar esa tirik mavjudot bo‘lib ular yumshoq ya’ni go‘shtdir. Chumolilarga nisbatan «sindirmoq» so‘zini ishlatish xato, ularga «ezmoq» so‘zi ishlatilsa to‘g‘ri bo‘lar edi, deyishdi.
🟢 Ularning ushbu da’vosidan keyin oradan ikki yil ham o‘tmay xuddi shu olimlar: "chumolilar tanasining uchdan ikki qismi shisha moddasidan iborat" ekanligini kashf qilishdi va hammasi islomga kirishdi.

«Alloh hamma jonzotni suvdan yaratdi. Bas, ulardan ba’zilari qorni bilan yuradir, ba’zilari ikki oyoq bilan yuradir va ba’zilari to‘rt (oyoq) bilan. Alloh O‘zi xohlagan narsani yaratur. Albatta, Alloh har bir narsaga o‘ta qodirdir».(Nur surasi 45-oyat)

© "Science in the Qur'an" jurnalidan

@Yoldoshbek_Ibrohim

#Қуръон_мўжизалари

"Homila va tug‘ilish sirlari"

Biologiyada ushbu mo‘jizaning naqadar buyukligini quyidagi oyat misolida o‘rganamiz.

... وَمَا تَخْرُجُ مِن ثَمَرَٰتٍ مِّنْ أَكْمَامِهَا وَمَا تَحْمِلُ مِنْ أُنثَىٰ....

Ya’ni: "Uning ilmi aralashmasa,murtaklardan mevalar chiqmaydi,ayol homila olmaydi va tug‘maydi..."
(Fussilat surasi 47-oyat)

Insonning va tiriklikning tug‘ilish jarayoni bittagina ko‘zga ko‘rinmas tuxum hujayra orqali vujudga keladi.
Mana shu hujayra onaning barcha belgi asoratlarini o‘zida jamlashi aqllarni shoshiradi.
Ammo yangi tug‘iladigan avlod faqat onaning emas,balki otaning ham belgilarini olishi lozim.Otaning belgilari esa spermalarda jamlangan bòlib bunday hujayralarning har biridan 250 mln atrofida hosil bo‘ladi.
Noyob holat shuki shu 250 mln hujayradan faqat bittasigina tuxum hujayra bilan birikib yangi avlod shakllanishiga yaraydi xolos,qolgan hujayralarning xususiyati tuhum hujayraning talabiga javob bermaydi.
Nozik nuqta shuki tuxum mana shu spermalar ichidan naslga javob bera oladiganini atigi 40 daqiqa ichida ajratib olish qobiliyatiga ega ekan.
Agar bugungi kunimizdagi eng zamonaviy texnologiyalar va kamida 1000 ta biolog olimni to‘plab ushbu ishni sun’iy ravishda bajarishga harakat qilsak eng kamida 2 oy vaqt ketadi shunda ham ajratgan hujayramiz 100% talabga javob bera olmaydi.
Ammo tuxum hujayraning sperma bilan 40 daqiqa ichida yangi avlodni shakllantirishi olimning ham,komputerning ham,tuxum hujayraning ham ishi emas balki Alloh taoloning ilmidir.Yuqoridagi oyatda nima uchun "Uning ilmi aralashmasa homila bo‘lmaydi" deyilishini endi tushuna oldikmi?!
Eng asosiysi oldinda!
Ikki hujayra qo‘shilib shakllangach ular mitoz usulidan bo‘linib ichida 60 mingta hujayra bo‘lgan yangi boshlang‘ich murtak paydo bo‘ladi.
Mana shu paydo bo‘lgan hujayralar murtak ichida aniq tartibli proyeksiya bo‘yicha joylashadi,kelajakda mana shu tartibdagi hujayralardan qo‘l,oyoq va boshqa tana a’zolari  hosil bo‘la boshlaydi.
Agar shu tartib santimetrning milliarddan bir ulushicha o‘zgaradigan bo‘lsa inson oyoqlari ko‘krakdan chiqish,yuraklar oshqozon bilan alishib qolishi mumkin.
Agar bu holat yuz bersa,Ul ilohiy kitobni inkor etuvchilarning tili qornidan chiqib qolishi hech gap emas.

Xulosa: Ko‘zga ko‘rinmas bu hujayralarni boshqarib turuvchi Kuchni inkor etish,matematika va biologiyani ham to‘laligicha inkor etishdir va bu jaholatdan boshqa narsa emas.

© Professor Keith Moor, "Qur'on va sunnatdagi ilmiy mo'jizalar" kitobidan.

@Yoldoshbek_Ibrohim