YO'L
Ostonamdan taralgan yo'llar
Eslatadi quyosh nurini.
Uzoq-uzoqlarga ketib, uzayib,
Uzaytadi mening umrimni.
Yurganlarni daryo deydilar,
Daryo – cheksiz umr ertagi.
Bir kun uyda o'ltirib qolsam
Hayot go'yo chetlab o'tadi.
Ko'rganing seniki, der edi bobom,
Ellarni, dillarni kerak ko'rishim.
Ochilmagan qo'riq, noma'lum yulduz,
Bari-bari mening ulushim.
Ijod dardi yo'l azobidir,
Mayli, bo'lsin tumanlar quyuq.
Ruhim bilan yo'lda ekanman,
Umrimning hech nihoyasi yo'q.
✍️ Asqad Muxtor
🏛Oʻzbekiston Yozuvchilar uyushmasi Fargʻona viloyati boʻlimi
Telegram | Facebook | Instagram
Ostonamdan taralgan yo'llar
Eslatadi quyosh nurini.
Uzoq-uzoqlarga ketib, uzayib,
Uzaytadi mening umrimni.
Yurganlarni daryo deydilar,
Daryo – cheksiz umr ertagi.
Bir kun uyda o'ltirib qolsam
Hayot go'yo chetlab o'tadi.
Ko'rganing seniki, der edi bobom,
Ellarni, dillarni kerak ko'rishim.
Ochilmagan qo'riq, noma'lum yulduz,
Bari-bari mening ulushim.
Ijod dardi yo'l azobidir,
Mayli, bo'lsin tumanlar quyuq.
Ruhim bilan yo'lda ekanman,
Umrimning hech nihoyasi yo'q.
✍️ Asqad Muxtor
🏛Oʻzbekiston Yozuvchilar uyushmasi Fargʻona viloyati boʻlimi
Telegram | Facebook | Instagram