#Rasmiy_munosabat

Ijtimoiy tarmoqlarda “Chirchiq shahar 8-kichik nohiya hududida joylashgan Bobur istirohat bog’ida daraxtlar kesib yubirilgan” mazmunidagi xabar bo’yicha Toshkent viloyati Ekologiya boshqarmasi Chirchiq shahar bo’limi tomonidan joyiga chiqib o’rganildi.

O’rganish davomida O’zbekiston Respublikasi Vazirlar Mahkamasining 2022-yil 22-avgustdagi “Davlat o’rmon fondiga kirmaydigan daraxtlar va butalarni ekish, parvarish qilish va ulardan foydalanish tartibini yanada takomillashtirish to’g’risida”gi 464-sonli qaroriga asosan istirohat bog’i hududdagi daraxtlarga shakl berish ishlari olib borilganligi ma’lum bo’ldi.

Inspektorlar tomonidan shakl berishdan hosil bo’lgan shoh-shabbalarni o’z vaqtida olib chiqish va yoqish mumkin emasligi to’g’risida tushuntirish ishlari olib borildi. Bobur istirohat bog’i Toshkent viloyati Ekologiya boshqarmasi Chirchiq shahar bo’limi tomonidan nazoratga olindi.

✍️Toshkent viloyati Ekologiya boshqarmasi Matbuot xizmati

☘️Atrof-muhitga oid soʻnggi yangiliklarni @ekologuz saytida oʻqing. Bizga obuna bo'ling va taklif va tilaklaringizni @eklguz_bot orqali yuboring!

Instagram | Facebook | Twitter | Sayt | Youtube