EKOLOG.UZ| UZ🇺🇿

Qirgʻizistonda suv tanqisligi muammosini hal qilish uchun uchta sunʼiy muzlik yaratildi

🗺 Botken viloyatida uchta sunʼiy muzlik: bittasi Leylek tumanining Sumbula qishloq hududida va ikkitasi Botken tumanining Qayindi va Gaz qishloq hududlarida yaratilgan.

🧊 Ushbu loyihalar iqlim o'zgarishi oqibatlariga qarshi kurashishga qaratilgan. Sun'iy muzliklarni yaratish yaylovlarda suv tanqisligi muammosini hal qilishning bir yo'li sifatida qaralmoqda.

🧊 Muzliklarni yaratishdan maqsad yaylovlar sharoitini yaxshilash, erta bahorda chorva mollarini suv bilan taʼminlash va ekin maydonlarini sugʻorishdir.

🧊 Avvalroq Qadamzhay tumanining O‘rozbekov qishloq hududida sinov loyihasi doirasida sun’iy muzlik yaratilgan edi. Hozir bu tajriba viloyatning boshqa hududlariga ham tatbiq etilmoqda.

☘️Atrof-muhitga oid soʻnggi yangiliklarni @ekologuz sahifasida oʻqing. Bizni kuzatib boring va taklif va tilaklaringizni @eklguz_bot orqali yuboring

#Eko_qonun Savol: Xayrillo Lutpillaevich, O’tgan yilning so’ngi oyida Oliy Majlis Qonunchilik palatasining navbatdagi majlisi, uzoq kutilgan, Orxus konvensiyasiga (“Atrof-muhit bilan bog‘liq bo‘lgan masalalar bo‘yicha qarorlar qabul qilish jarayonida jamoatchilikning axborot olish imkoniyati, ishtiroki va odil sudlovga erishish imkoniyati to‘g‘risidagi konvensiya) O‘zbekistoning qo‘shilishi haqida”gi qonun loyihasini qabul qilindi. Ushbu hujjatning ahamiyati nimada?

Xayrillo Gapporov, O‘zbekiston Respublikasi Oliy Majlisi Qonunchilik palatasi Ekologiya va atrof muhitni muhofaza qilish masalalari qo‘mitasi raisi

-To‘g‘ri ta'kidladingiz, Yangi tahrirdagi Konstitusiya qabul qilindi. Konstitusiyaning Ekologiyaga bag‘ishlangan bobi va asosiy moddalar kiritildi. Yangi tahrirdagi Konstitusiyamizning 49-moddasida, “Har kim qulay atrof-muhitga, uning holati to‘g‘risidagi ishonchli axborotga ega bo‘lish huquqi “ belgilab qo‘yildi. Bu xalqaro hujjatni asosini tashkil etuvchi norma deyishimiz mumkin. Ya'ni, 38 ta mamlakat tomonidan imzolangan va 1998 yilda Daniyaning Orxus shahrida qabul qilingan mazkur Konvensiyaning asosiy maqsadi ham atrof-muhitni muhofaza qilishda jamoatchilikning ishtiroki, axborot olish huquqi, hamda odilona sudlovga erishishdan iborat hisoblanadi. Mazkur holatlar yuzasidan Konvensiyaning uchta bloki bo‘yicha O‘zbekistonda sharoitlar yaratilgan. Hozirgacha ham ekologiya va atrof-muhit holati bo‘yicha axborot olish imkoni bor. 2013 yilda “Ekologik nazorat to‘g‘risida” O‘zbekiston Respublikasining qonuni qabul qilingan. Jamoatchilik jamoatchilik nazoratini olib borishi huquqiy jihatdan mustahkamlab qo‘yilgan. Atrof- muhitni muhofaza qilish borasidagi barcha qonunlarga e'tibor qaratadigan bo‘lsak, fuqarolarni o‘zini o‘zi boshqarish organlari, nodavlat notijorat tashkilotlar, keng jamoatchilikning jamoatchidlik nazoratini olib borish huquqlari qonunchiligimizda belgilab qo‘yilgan. Lekin, hozirgi kunga qadar Orxus konvensiyasiga qo‘shilish bo‘yicha ishlar oxiriga yetkazilmagan edi, davlatimiz rahbarining mazkur hujjatlarni o‘rganish bo‘yicha topshiriqlari berilgan edi, Konstitusiyamiz yangi tahrirda qabul qilitngach, shu normani ta'minlash uchun ham mazkur xalqaro hujjatga qo‘shilishimiz lozim edi. Orxus Konvensiyasi Qonunchilik palatasida birdaniga 3 ta o‘qishda qabul qilinib, Senatga jo‘natildi. Bu bilan biz hozirgacha ta'minlanib kelinayotgan, lekin xalqaro hujjatda ham belgilangan normani amalga oshirish imkoniga ega bo‘lamiz, ya'ni fuqarolarning atrof-muhit muhofazasi holati haqida ishonchli axborot olish huquqini ta'minlash, atrof-muhit muhofazasida jamoatchilik ishtirokini ta'minlash va bu sohada odilona sudlovni amalga oshirish imkoni yaratiladi


☘️Atrof-muhitga oid soʻnggi yangiliklarni @ekologuz saytida oʻqing. Bizga obuna bo'ling va taklif va tilaklaringizni @eklguz_bot orqali yuboring!

Instagram | Facebook | Twitter | Sayt | Youtube

#Jizzax_viloyati Jizzax shahridan chiqib, Sharof Rashidov tumanida Amir Temur darvozasidan o‘tgach, M39 avtotrassada Sangzor daryosi bo‘ylari chiqindixonaga aylangan. Bu yerda qurilish chiqindilari bilan birgalikda trassadan o‘tayotgan avtomobil haydovchilarining mashinasi derazasidan uloqtirgan baklajka, sellofan paketlar bilan birgalikda ko‘plab boshqa turdagi chiqindilar inson ko‘nglini xira qiladi. Shu bilan birgalikda Sangzor daryosi o‘zanidan noqonuniy qum-shag‘al qazib olingan joylar, katta yuk avtomashinalarining izlari yaqqol ko‘rinib turgan kirish yo‘li ham mavjud.

📍Lokatsiya

Mazkur masalani Jizzax viloyati Ekologiya boshqarmasi e'tiborga olar, degan umiddamiz

☘️Atrof-muhitga oid soʻnggi yangiliklarni @ekologuz saytida oʻqing. Bizga obuna bo'ling va taklif va tilaklaringizni @eklguz_bot orqali yuboring!

Instagram | Facebook | Twitter | Sayt | Youtube