Kelajakni o'zimiz uchun asraylik!

Adliya vazirligi huzuridagi media markaz tomonidan atrof-muhitni muhofaza qilish va ekologik madaniyatni targ‘ib qilish maqsadida bolajonlar uchun maxsus rolik tayyorlandi. Ushbu rolik orqali yoshlarda tabiatga hurmat va mas’uliyat hissini shakllantirishga qaratilgan ta’limiy materiallar taqdim etilgan.

Mazkur rolikning asosiy maqsadi – bolalarni tabiatni asrab-avaylash, chiqindilarni to‘g‘ri ajratish va atrof-muhitga ehtiyotkorlik bilan munosabatda bo‘lishga undashdir. Yosh tomoshabinlarga oson va qiziqarli uslubda, ularning kundalik hayotida ekologik masalalarga e’tibor qaratishning ahamiyati tushuntiriladi.

Loyiha mualliflari bolalarni kichik yoshdan boshlab ekologik mas’uliyatga o‘rgatish kelajak avlodlar uchun sog‘lom ekologik muhit yaratishning muhim qadamlaridan biri ekanligini ta’kidlaydilar.

Bu kabi ta’limiy loyihalar yosh avlodning ekologik ongini shakllantirishda muhim o‘rin tutadi va ularning kelajakda mas’uliyatli fuqaro bo‘lib yetishishiga xizmat qiladi.

Manba

☘️Atrof-muhitga oid soʻnggi yangiliklarni @ekologuz saytida oʻqing. Bizga obuna bo'ling va taklif va tilaklaringizni @eklguz_bot orqali yuboring!

Instagram | Facebook | Twitter | Sayt