⚡️ MUALLIM-SHOIR

Qirqta hunar egallaydi er degani,
Menga ikki kasb yuqsa yuqibdida,
Meni sira tinch qo‘maydi she’r degani,
Muallimdan shoir chiqsa chiqibdida.

Xontaxtada bo‘zlab qolar daftarlarim,
Chorlar meni tomda oppoq kaptarlarim,
Yozmay desam o‘kisinaman, ko‘ngil yarim,
Muallimdan shoir chiqsa chiqibdida.

Muhammadga ilhom bergan ko‘m-ko‘k dala,
Chorlar meni adirlarda alvon lola,
Konspekt ham qolib ketar goho chala,
Muallimdan shoir chiqsa chiqibdida.

Qaynab kelar ich-ichimdan mahzun baytim,
Bu yolg‘onchi dunyolarga boqqan paytim,
Sizga nima og‘irligim tushar ayting,
Muallimdan shoir chiqsa chiqibdida.

Kunduzlari o‘qituvchiman,shoirman tun,
Kunduz kuni shodonmanu kechalar hun,
Diplom shartmas asli shoir bo‘lmoq uchun,
Muallimdan shoir chiqsa chiqibdida.

Qalbim ilhom parisila hurram,mastman,
Ishq atalmish saltanatda bir cho‘p,hasman,
Mashhurlikka da’vo qilsam odammasman,
Muallimdan shoir chiqsa chiqibdida.

✍️ Xurshid Karim
t.me/Xurshid_Karim

🤖Hujjatlar, ish rejalar,darsliklar,
testlar, oylik hisoblash botimiz
👉@ebazaga_bot

✅️O'qituvchilar izlagan kanal 👇
https://t.me/e_baza_ishreja
https://t.me/+mi15W-aqCcFhOTIy