Do’stingiz bormi?
Yaralangan paytingiz, joningiz og’rigan mahal, yarangizni bog’lagan emas, joni og’rigan,
Yig’laganingizda, ko’zyoshingizni artgan emas, sizga qo’shilib yig’lay olgan,
Sukut saqlaganingizda kutgan, gapirgan paytingiz sizni eshita olgan do’stingiz bormi?
Dardingizga darmon bo’ladigan do’st emas, dardingizni o’z dardi deb biladigan, yiqilsangiz yig’laydigan, xatoyingizni yashiradigan do’stingiz bormi?
“Qani, ketdik”, - deganda, “Qayerga?” - deb ham so’ramaydigan ey do’st! Qayerdasan, nega yo’qsan?!
Yashamoq - yaralanmoqdir deyishadi. Yashamoq uchun yaralanmoq kerak. Do’st topish va do’st bo’lmoq ham shunga o’xshaydi. Do’st topish uchun do’st bo’lmoq kerak.
So’rab ko’ring, o’zingizdan va ana shunday do’stingizdan…
@shahnozatoshtemirova_blog
