Tutun soyasida: kontrabanda tamaki O‘zbekiston bozorini zaharlamoqda.
O‘zbekiston noqonuniy tamaki bozori timsolida jiddiy chaqiriqqa duch kelmoqda. Yaqinda huquqni muhofaza qilish organlari tomonidan Toshkentda va Qashqadaryo viloyatida o‘tkazilgan qator reydlar aksiz markasi bo‘lmagan tamaki mahsulotining noqonuniy sotilishiga oid yangi holatlarni fosh etdi va ushbu yashirin industriyaning ko‘lami hamda yashovchanligini yaqqol ko‘rsatdi.
Toshkent shahri Shayxontohur tumani tezkor xodimlari Bosh prokuratura va IIBdagi hamkasblari bilan birga o‘z uyini omborga va noqonuniy tamaki sotuvi shoxobchasiga aylantirgan fuqaroning faoliyatiga chek qo‘ydilar. Uning turar joyidan salmoqli hajmda – 4310 quti aksiz belgilari bo‘lmagan, xorijda ishlab chiqarilgan tamaki mahsulotlari olib qo‘yildi.
Poytaxtning Mirobod tumanida huquq muhofazachilari e'tiborini “GS” MChJ bilan bog‘liq do‘kon jalb qildi. Tekshiruv davomida aniqlanishicha, sotuvchi ayol 2122 ta elektron sigaret va 3393 quti tamaki mahsulotini aksizlarsiz, noqonuniy sotayotgan bo‘lgan. Umumiy summasi qariyb 5890 million so‘mni tashkil qilgan bu tovarlar musodara etildi.
Qashqadaryo viloyati, Qarshi shahrida muqaddam sudlangan fuqarodan yetti xil rusumdagi 4169 quti kontrafakt tamaki olib qo‘yildi. Olib qo‘yilgan tovarning umumiy narxi qariyb 100 million so‘mni tashkil qiladi.
Statistikaga ko‘ra, O‘zbekistonda yashirin tamaki bozori umumiy bozorning salmoqli 12,4%ini tashkil qiladi. Qashqadaryo viloyatida bu ko‘rsatkich 9,7% ga, Toshkentda esa – 9,5% ga teng. Bu raqamlar noqonuniy tamaki aylanmasi hanuz qat'iy choralarni talab qiladigan jiddiy muammoligicha qolayotganini yaqqol namoyon etadi.
Noqonuniy tamaki mahsuloti aksiz yig‘imlaridan byudjetga tushumlarni qisqartirish orqali davlatga iqtisodiy ziyon keltiribgina qolmay, aholi salomatligiga ham tahdid soladi. Kontrabanda sigaretlari ko‘pincha sifati past, xavfsizlik standartlariga muvofiq kelmaydigan xomashyodan tayyorlanadi va salomatlik uchun xavfli moddalarga ega bo‘lishi mumkin.
Shuni inobatga olish kerakki, tamaki noqonuniy aylanmasi ko‘pincha jinoiy faoliyatning pullarni “yuvish”, terrorizmni moliyalash va korrupsiya kabi boshqa ko‘rinishlari bilan bog‘liq bo‘ladi.
@domlajon
t.me/domlajon
O‘zbekiston noqonuniy tamaki bozori timsolida jiddiy chaqiriqqa duch kelmoqda. Yaqinda huquqni muhofaza qilish organlari tomonidan Toshkentda va Qashqadaryo viloyatida o‘tkazilgan qator reydlar aksiz markasi bo‘lmagan tamaki mahsulotining noqonuniy sotilishiga oid yangi holatlarni fosh etdi va ushbu yashirin industriyaning ko‘lami hamda yashovchanligini yaqqol ko‘rsatdi.
Toshkent shahri Shayxontohur tumani tezkor xodimlari Bosh prokuratura va IIBdagi hamkasblari bilan birga o‘z uyini omborga va noqonuniy tamaki sotuvi shoxobchasiga aylantirgan fuqaroning faoliyatiga chek qo‘ydilar. Uning turar joyidan salmoqli hajmda – 4310 quti aksiz belgilari bo‘lmagan, xorijda ishlab chiqarilgan tamaki mahsulotlari olib qo‘yildi.
Poytaxtning Mirobod tumanida huquq muhofazachilari e'tiborini “GS” MChJ bilan bog‘liq do‘kon jalb qildi. Tekshiruv davomida aniqlanishicha, sotuvchi ayol 2122 ta elektron sigaret va 3393 quti tamaki mahsulotini aksizlarsiz, noqonuniy sotayotgan bo‘lgan. Umumiy summasi qariyb 5890 million so‘mni tashkil qilgan bu tovarlar musodara etildi.
Qashqadaryo viloyati, Qarshi shahrida muqaddam sudlangan fuqarodan yetti xil rusumdagi 4169 quti kontrafakt tamaki olib qo‘yildi. Olib qo‘yilgan tovarning umumiy narxi qariyb 100 million so‘mni tashkil qiladi.
Statistikaga ko‘ra, O‘zbekistonda yashirin tamaki bozori umumiy bozorning salmoqli 12,4%ini tashkil qiladi. Qashqadaryo viloyatida bu ko‘rsatkich 9,7% ga, Toshkentda esa – 9,5% ga teng. Bu raqamlar noqonuniy tamaki aylanmasi hanuz qat'iy choralarni talab qiladigan jiddiy muammoligicha qolayotganini yaqqol namoyon etadi.
Noqonuniy tamaki mahsuloti aksiz yig‘imlaridan byudjetga tushumlarni qisqartirish orqali davlatga iqtisodiy ziyon keltiribgina qolmay, aholi salomatligiga ham tahdid soladi. Kontrabanda sigaretlari ko‘pincha sifati past, xavfsizlik standartlariga muvofiq kelmaydigan xomashyodan tayyorlanadi va salomatlik uchun xavfli moddalarga ega bo‘lishi mumkin.
Shuni inobatga olish kerakki, tamaki noqonuniy aylanmasi ko‘pincha jinoiy faoliyatning pullarni “yuvish”, terrorizmni moliyalash va korrupsiya kabi boshqa ko‘rinishlari bilan bog‘liq bo‘ladi.
@domlajon
t.me/domlajon