Isroil Tillaboyev blogi

Men o‘qigan xona.

Bir haftadan buyon Yoshlar ishlari agentligining xodimlari barcha viloyatlar va Qoraqalpog‘iston Respublikasida yoshlar bilan uchrashib yuribmiz.

Men Farg‘ona viloyatiga biriktirildim.
Bugun qiziq holat bo‘ldi. Qo‘qon DPIda bo‘lgan uchrashuv tasodif bilan aynan men bundan 20 yillar oldin o‘qigan sinf xonamga joy tayyorlashgan ekan. Juda ajoyib bo‘lar ekan, 4 yil bir xonada o‘qisangu, oradan  20 yil o‘tib ayni xuddi shu xonada hukumat vakili sifatida o‘zingni yoshligingni esga soluvchi ko‘zlari yongan talabalar bilan suhbatlashsang,  bu juda ajoyib his...

Bu uchrashuvlarda viloyat mutasaddilari bilan birgalikda yoshlarning barcha qatlami vakillari bilan yuzma-yuz dildan suhbatlashib, ularni qiynayotgan muammolar va ularni yechish uchun hukumatimiz tomonidan yana qanday sharoitlar yaratib berish bo‘yicha yangi tashabbuslar, yangi takliflar yig‘yapmiz hamda Agentligimiz orqali Prezident administratsiyasiga taqdim etib bormoqdamiz.

Har kuni turli tumanlarda, taʼlim muassasalariyu tadbirkor yoshlar bilan suhbatlashib boryapmiz. Farg‘ona viloyat hokimining o‘rinbosari Sherzod aka Polvonov, Agentlik Farg‘ona viloyat boshqarmasi boshlig‘i Muhammadamin G‘aniyevlar bu uchrashuvlarda birga hamrohlik qilyapmiz.

Taklif, tashabbuslar yig‘ish, o‘rganish ishlarimiz butun respublika bo‘ylab davom etmoqda.

Yoshlarimiz uchun yangi imkoniyatlar yaratishda davom etamiz.

@domlajon
t.me/domlajon

To'rt kunlik ish haftasining afzalliklari bo'yicha o'tkazilgan xalqaro ilmiy tadqiqotlar quyidagilarni ko'rsatmoqda:

1. Yangi Zelandiyaning Perpetual Guardian kompaniyasi ikki oy davomida to'rt kunlik ish haftasini sinovdan o'tkazdi. Natijada, xodimlarning mehnat unumdorligi 20 foizga oshdi, stress darajasi 45 foizdan 38 foizga kamaydi va ish va shaxsiy hayot o'rtasidagi muvozanat 54 foizdan 78 foizga yaxshilandi.

2. Shvetsiyaning Gyoteborg shahrida o'tkazilgan tajribada, 6 soatlik ish kuni joriy etilganidan so'ng, xodimlarning sog'lig'i yaxshilandi, kasallik varaqalari bo'yicha xarajatlar kamaydi va umumiy farovonlik darajasi oshdi.

3. Germaniyada o'tkazilgan eng yirik tajribada, turli sohalardagi 45 dan ortiq tashkilot ishtirok etdi. Natijada, xodimlarning 90 foizga yaqini hayotdan qoniqish darajasi oshgani va ish-shaxsiy hayot muvozanati yaxshilangani qayd etildi.

4. Islandiyada 2015 yildan 2019 yilgacha o'tkazilgan keng ko'lamli tadqiqotlar natijasida to'rt kunlik ish haftasiga o'tish xodimlarning mehnat unumdorligini saqlab qolgan yoki oshirgan. Bu tadqiqotlar xodimlarning stress darajasini kamaytirgan va ish va shaxsiy hayot muvozanatini yaxshilagan.

5. Buyuk Britaniyada o'tkazilgan tadqiqotlar shuni ko'rsatdiki, to'rt kunlik ish haftasiga o'tish xodimlarning ish va shaxsiy hayot muvozanatini sezilarli darajada yaxshilagan, bu esa ularning umumiy qoniqish darajasini oshirgan.

6. Yaponiyada 2025-yil apreldan boshlab Tokiodagi davlat xizmatchilari uchun to'rt kunlik ish haftasi joriy etilishi rejalashtirilmoqda. Bu qaror xodimlarning farovonligini oshirish va tug'ilish darajasini ko'tarish maqsadida qabul qilinmoqda.

7. Qozog'iston Mehnat kodeksiga to'rt kunlik ish haftasi tushunchasi kiritildi, bu esa ish beruvchi va xodimlarga besh yoki olti kunlik ish haftasiga almashtirish huquqi bilan to'rt kunlik ish haftasini kelishib olish imkonini beradi.

Ushbu tadqiqotlar shuni ko'rsatadiki, 4 kunlik ish haftasiga o'tish mehnat unumdorligini oshirish, xodimlarning farovonligi va sog'lig'ini hamda ish va shaxsiy hayot muvozanatini yaxshilash kabi afzalliklarni ta'minlaydi.

©Ziyodakhon Rasulova

@domlajon
t.me/domlajon

Вақт ажратиб (шу иборани ишлатганлар сизларга ҳам жуда бир вақти кам одамлардек туюладими:) “Бек ва Лола” серияси мултфилмларини кўриб чиқдим. Бу мулфилмларни Ёшлар ишлари агентлиги ишлабди.

Бу мултфилмлар мактаб ёшига етмаганлар учун ишланган. Улар “ривожлантирувчи” (развивающие) мултфилмлар сирасига киради. Ривожлантирувчи мултфилмларда, кўпинча, аниқ бир сюжет бўлмайди, болага яхшилик, билим олиш каби қадриятларни сингдириш, тасаввурини кенгайтириш учун ишланади, жараёнлар ва ҳаракатлар такрорланади, позитивлик, мусиқа жўрлиги бўлади. “Бек ва Лола” саҳналарида, қаҳрамонлари кийимлари ва ўзини тутишларида чиройли графикалар билан миллийликка урғу берилибди. Кичкинтойлар Бек ва Лола тошкентлик бўлгани учун Тошкент шаҳри, кўчалари, хонадонлари кўринишига алоҳида эътибор берилган.

Ҳамма серияда жуда ўйноқи, рақсбоп мусиқалар танланган.
“Тонгги машқ” серияси болани бадантарбияга ўргатади, эски “Қилпиллама” халқ қўшиғи мусиқасига мосланган. “Алифбо ўрганамиз” серияси ҳарфларни ўргатишга чақиради, Дадахон Ҳасановнинг “Куйдиради” қўшиғи мусиқасига мосланган. “Энди нима қиламиз” серияси болани ортиқча ширинлик емасликка чақиради, “Қўғирчоғим Наташа” болалар қўшиғи мусиқаси мосланган. “Бир оиламиз ўзбекистонлик” сериясида Республикадаги барча ҳудудлар бир-бир санаб чиқилади ва ўзаро дўстлик тарғиб қилинади, Фаррух Зокировнинг “Чойхона бўлса” қўшиғи мусиқасидан фойдаланилган. “Дастёрлар” сериясида эса “Ойижон, бошгинам оғрийдия” деган болалар қўшиғидан фойдаланилган бўлиб, тантиқ қизча тилидан айтилган эски қўшиқ ўрнига дастёр бола тилидан янги сўзлар қўйиб ижро этилган. Фақат мултфилмлар охирида мусиқанинг асл муаллифи кўрсатиб ўтилмаганлигига ҳайрон бўлдим, ҳарқалай, айримлари халқ куйи эмас, муаллифи бор.

Барча мултфилмлардаги қўшиқлар бутунлай янги сўзлар билан ижро қилинган. Ижодкорлар боғча болаларга мос содда сўзлар танлашга уринган бўлиши мумкин, аммо назаримда қўшиқлар матни, қофиялари устида янаям ишлаш керак. “Шунга қорни оғрибди, томоғи ҳам оғрибди”, “Ҳарфларни ўрганамиз, ўқишни ўрганамиз, алифбони ўрганиб, билимдон бўламиз”, “Улар менинг тенгдошларим, энг яқин дугоналарим” каби жумлалар ўрнига қуйма, пишиқ жумлалар, қофиялар топса бўлар эди. “Бир оиламиз ўзбекистонлик” сериясида барча вилоятдан ва Қорақалпоғистондан қаҳрамонлар санаб ўтилганда ҳудудларнинг ўзига хослигига урғу берилса бўёқдорлиги ортарди, аммо фақат хоразмлик қизнинг лазгига чиройли ўйнаши тилга олинибди.

Умуман олганда яхши мултфилм ишланибди, болалар қизиқиб кўришмоқда, тақлид қилишга уринмоқда. Ижодкорлардан давомини ҳам кутиб қоламиз, мана шундай позитив, миллий мултфилмлар кўпайиб, болалар онгига яхши қадриятларни сингдираверсин.

Яна бир яхши ҳолат: мултфилм ижодкорлари орасида ўзбекча исм-шарифлар кўплиги бўлди. Одатда, биз тенгилар кўрган ўзбекмултфилмлар ижодкорлари орасида ўзбекча исм-фамилиялар сийрак учрарди, ўзимиздан ҳам яхши аниматорлар, графика усталари кўпайиб қолгани, албатта, қувонарли.

Мултфилмлар бу ерда https://www.youtube.com/@Bekvalola/featured

© Шукуржон Исломов

@domlajon
t.me/domlajon

Буюк Британияда нашр қилинадиган "The Observer - Кузатувчи" газетаси 16-январ сонида Абдуқодир Ҳусанов ҳақида катта мақола эълон қилди.

Мақола шундай бошланади: "Премьер Лига чемпионлари орасига қўшилган 20 ёшли футболчи Ўзбекистонда рад қилингандан кейин, Беларусга кетиб, ўз карьерасини давом эттирган эди". Непотизм ва таниш-билишчилик ҳақида бундан қисқа va лўнда тушунтириш бўлмаса керак.

Футболдаги коррупциямиз энди бутун дунёда тилга олинаверади, зора шундан кейин ўзгариш бўлса.

@domlajon
t.me/domlajon