⚡️Attestatsiya ikki bosqichda: umumiy 100 ballik tizimda baholanadi va ikki bosqich natijasi qoʻshilib qaror chiqariladi:

2024-yil 1-yanvardan boshlab maktabgacha, umumiy oʻrta va maktabdan tashqari taʼlim tashkilotlari pedagog kadrlarga malaka toifasini berishning yangi tartibi joriy etildi. Unga koʻra, attestatsiya ikki bosqichda oʻtkaziladi hamda birinchi bosqichda talabgorning mutaxassislik fani (35 ta savol) va kasb standarti (5 ta savol) boʻyicha bilim darajasi, ikkinchi bosqichda – pedagogik mahorati (10 savol) baholanadi.

Yangi tartibdagi oʻtkaziladigan attestatsiyada ham ikki bosqich (80+20=100 ball) natijasi qoʻshilib quyidagi tartibda qaror chiqariladi:

Oliy malaka toifali yoki bosh oʻqituvchi lavozimidagi pedagog kadr:

80 ball va undan yuqori boʻlsa — “Attestatsiyadan oʻtdi, oliy malaka toifasi (bosh oʻqituvchi lavozimi) saqlansin”;

80 balldan past boʻlsa — “Attestatsiyadan oʻtmadi, birinchi malaka toifasi (yetakchi oʻqituvchi lavozimi) ga tushirilsin”;

Birinchi malaka toifali yoki yetakchi oʻqituvchi lavozimidagi pedagog kadr:

80 ball va undan yuqori boʻlsa — “Attestatsiyadan oʻtdi, oliy malaka toifasi (bosh oʻqituvchi lavozimi) berilsin”;

70 balldan 79 ballgacha boʻlsa — “Attestatsiyadan oʻtdi, birinchi malaka toifasi (yetakchi oʻqituvchi lavozimi) saqlansin”;

70 balldan kam boʻlsa — “Attestatsiyadan oʻtmadi, ikkinchi malaka toifasi (katta oʻqituvchi lavozimi) ga tushirilsin”;

Ikkinchi malaka toifali yoki katta oʻqituvchi lavozimidagi pedagog kadr:

70 ball va undan yuqori boʻlsa — “Attestatsiyadan oʻtdi, birinchi malaka toifasi (yetakchi oʻqituvchi lavozimi) berilsin”;

60 balldan 69 ballgacha boʻlsa — “Attestatsiyadan oʻtdi, ikkinchi malaka toifasi (katta oʻqituvchi lavozimi) saqlansin”;

60 balldan kam boʻlsa “Attestatsiyadan oʻtmadi, mutaxassis (oliy maʼlumotli oʻqituvchi) lavozimiga tushirilsin”;

Mutaxassis yoki oliy maʼlumotli oʻqituvchi lavozimidagi pedagog kadr:

60 ball va undan yuqori boʻlsa — “Attestatsiyadan oʻtdi, ikkinchi malaka toifasi (katta oʻqituvchi lavozimi) berilsin”;

55 balldan 59 ballgacha boʻlsa — “Attestatsiyadan oʻtdi, mutaxassis (oliy maʼlumotli oʻqituvchi) lavozimi saqlansin”;

55 balldan kam boʻlsa — “Attestatsiyadan oʻtmadi, mutaxassis (oliy maʼlumotli oʻqituvchi) lavozimiga muvofiq emas.

📌Eslatma: Navbatdan tashqari attestatsiya natijasidan qatʼiy nazar salbiy qarorlar qabul qilinmaydi (amaldagi toifa tushirilmaydi).

https://t.me/dmtt15