Diyorbek Berkinov

Ramazon muborak bo’lsin do’stlar 🎉

Ushbu oy xonadoningizga barokat, qalbingizga esa huzur olib kelsin.

@diyorbek_berkinov_blog

#iqtibos

Eng muhim harakatlar hech qachon qulay bo’lmagan.

©️ Tim Ferris

@diyorbek_berkinov_blog

Bir-biringizni seving. Judolik ogohlantirishsiz keladi. Bir-biringizdan hol-ahvol so‘rab turing. Chunki hech kim oxirgi so‘zlashuv, so‘nggi bor diydor qachon ekanini bilmaydi. O‘zaro ko‘ngillaringizni ko‘taringlar. Keyin afsus degan bilan ketganni ortga qaytarib bo‘lmaydi. Yodingizda tuting, tiriklik chog‘ida shirin so‘z aytmoq, mayit peshonasini o‘pmoqdan ko‘ra yaxshiroqdir!

©️Ali Tantoviy

@diyorbek_berkinov_blog

Davomiylik muhim

Har qanday muvaffaqiyat ortida davomiylik yotadi. Katta maqsadlarga faqat bir marotaba harakat qilib yetib bo‘lmaydi. Bu yo‘lda bardavomlik, sabr va doimiy mehnat talab etiladi.

Sport bilan shug‘ullangan odam doim mashq qilsa, tanasi chiniqadi va kuchli bo‘ladi.

Ko‘p odamlar maqsad sari harakat qilishni boshlaydi, ammo ozgina qiyinchilik yoki natijaning sustligidan tushkunlikka tushib, to‘xtab qolishadi.

O‘z oldimizga qo‘ygan har qanday maqsadga erishish uchun davomiy harakat qilishni odat qilishimiz zarur. Har kuni kichik bo‘lsa-da, rivojlanish yo‘lida intilishimiz kerak. Aynan shu jihat bizni boshqalardan ajratib turadi va yuksak marralarga olib chiqadi.

Hech narsa birdaniga bo‘lmaydi, har bir kichik qadam ham katta natijaga olib kelishini unutmasligimiz kerak!

@diyorbek_berkinov_blog

Odam bir-birini qanchalik ko‘p bilsa, anglashilmovchilik shuncha ko‘p bo‘ladi. Qanchalik yaqinlashsa, shunchalik begonalashadi.

@diyorbek_berkinov_blog

#paracetamol

Ijtimoiy tarmoq odoblari:
1. Niyatning yaxshi bo‘lishi.
2. Bekorchi narsalar bilan mashg‘ul bo‘lmaslik.
3. Namoz vaqti chiqib ketmasligi.
4. Faqat yaxshi va solih narsalarni e’lon qilib, shundaylarni o‘qish.
5. Do‘stlarni faqat yaxshilarini taklif etish va qabul qilish.
6. Postlarni to‘g‘ri mulohaza qilib, foydali sharh qoldirish.
7. Post qo‘yish va sharh qoldirishda hammaga manfaat bo‘lishini o‘ylash, hamda riyo, sum’a va ujb kabi gunohlardan saqlanish.
8. Post qo‘yish va sharh qoldirishda boshqalarning aybi, siri kabi shaxsiy ishlariga daxl qilmaslik.
9. Va hokazolar...

@diyorbek_berkinov_blog

Tolibi ilm bo‘laylik

Ilm – insonni yuksaklik sari yetaklaydigan bebaho ne'matdir. Har bir inson hayotida muvaffaqiyatga erishish, jamiyatga foyda keltirish va kelajagini yorqin qilish uchun ilm o‘rganishi zarur. Tarixdan ma'lumki buyuk allomalar, faylasuflar va olimlar ilm olishga katta e'tibor berganlar va bizga ham shuni o‘rgatganlar.

Tolibi ilm – ilm yo'lida qat'iyat bilan harakat qiluvchi inson demakdir. Bu maqomga erishish uchun insonda sabr, fidoyilik va doimiy harakat bo‘lishi lozim. Ilm olish shunchaki kitob mutolaasi bilan cheklanmaydi, balki hayotdan saboq chiqarish, ustozlardan o'rganish, yangiliklarga ochiq bo‘lish kabi jihatlar ham muhim sanaladi.

Payg'ambarimiz Muhammad (s.a.v) "Ilm izlash har bir musulmon erkak va ayolga farzdir" degan so‘zlari bizga ilmning naqadar muhimligini yana bir bor anglatadi. Ilmli inson jaholatga, zulmatga va kamsitilishga qarshi kurasha oladi.

Bugungi kunda zamonaviy texnologiyalar, internet va turli o'quv resurslari ilm olishni yanada osonlashtirdi(lekin ba'zida chalg'itadi ham). Demak, imkoniyatlar juda ko‘p! Biz faqat harakat qilib, izlanishimiz kerak. Kitob o'qish, yangi til o'rganish, kasb-hunar egallash – bularning barchasi bizni mukammallikka yetaklaydi.

Tolibi ilm bo‘lish – bu faqat o‘qish emas, balki doimiy o‘sish, tajriba orttirish va bilimlarni boshqalar bilan baham ko‘rish demakdir. Shunday ekan, keling, biz ham ilm yo'lidan yuraylik, hayotimizni ma'no bilan to'ldiraylik va jamiyatimizga foydali inson bo‘laylik!

@diyorbek_berkinov_blog