Кўп соҳаларда соҳанинг қадриятларини ифодаловчи ўз рамзий ғоялари бўлади ва соҳа вакиллари орасида бундай ғояларга қандайдир маънода культ даражасида қаралади. Баъзи одамлар эса кенг оммага интеллектуал жозибадор кўринишга жўшқин иштиёқлари туфайли шундай рамзий ғояларни рад этишга ҳаракат қиладилар. Бундай популситик юришларни олқишлайдиган омма учун эса маълум соҳадаги рамзларга қилинган авангард хужумлар довюрак ва ноанъанавий кўринади.

Бу фикрларни Пол Кругман эркин савдони қоралайдиганларга жавоб тариқасида ёзган эди. Иқтисодчилар учун эркин савдо ғоясидан ташқари субсидиялашнинг самарасизлиги ҳам қандайдир маънода мана шундай рамзий аҳамиятга эга. Мана бу мақолани ҳам Кругман тасвирлаган ҳолатга ўхшатдим.

Бошқа тарафдан эса балки бу ўхшатиш ноўриндир. Абдулла ака анча йиллар олдин чиновникликдан кетганига қарамасдан, типик чиновникча фикрлаш балки улардан шунчаки кетмагандир.