“Сен—кучлисан” аукционида бугун 43.5 млн сўм йиғилибди. Ўтган сафар 6 миллион оралиғида бўлган экан.

Суратлар 15 минг сўмдан 6 миллионгача харид қилинган.

Мен танлаган сурат (суратни сотиб олишда Дилноза опанинг ҳам ҳиссалари бор) Оғабек исмли болага тегишли. Ўтган йили боланинг отаси вафот этган. Унинг ўзи эса 1 ҳафта аввал, 12 сентябрда фариштага айланган…

Оғабек яшашни жуда-жуда истаган. Бўлмаса, ҳаётни бунчалик ранг-баранг чизармиди?!

Картиналар контексти учун бебаҳо. Ўлим олдидан, тўхтовсиз терапиялар, узлуксиз капельницалар, пулсизлик, отасизлик изтироблари ичида бошқа рангларни топа олгани учун танладим.

Тадбирда бир чеккада бемор болалар сурат чизиб ўтиришди. Оналар ҳамроҳ… уларнинг ўзи бемордек. Ҳар кўзим тушганда кўзим жиққа тўлаверади. Мен бу тақирбошлик, рангпарлик, каннула уланган қўллар нималигини тахминан биламан…
Ээййй..

Болаларга тикон кирмасин, гард юқмасин. Беморларга шифо берсин. Ҳеч ким касал бўлмасин.

Журналистлар, ҳамкасбларимиз бугун ҳиммат кўрсатдилар. Яратган ҳаммаларидан, ташкилотчилардан рози бўлсин!

Фото: @madinanurman