🔰Унга кўра, ҳар йили туман ва шаҳар бюджетидан 10 тадан кам бўлмаган, кўпи билан 30 та лойиҳа учун етарли маблағ ажратилиши белгиланди.
Бунда 10 тадан ортиқ лойиҳа учун маблағлар туман ёки шаҳар аҳолисининг тегишли ҳудуддаги улушидан келиб чиқиб тақсимланади.
✅ Ҳозирги кунда лойиҳаларнинг энг юқори чегаравий қиймати 1,5 млрд. сўмни ташкил этади. Шунга кўра, туман ва шаҳар бюджетидан ажратиладиган маблағларнинг энг кам миқдори 15 млрд. сўм, энг юқори миқдори эса 45 млрд. сўм этиб белгиланди.
❗️Ижтимоий муаммоларга кўпроқ эътибор қаратиш мақсадида "Ташаббусли бюджет" маблағларидан ташкилотлар томонидан автомобиллар, жамоат хавфсизлигини таъминлашга оид жиҳозлар (радар, жамоат жойларидаги кузатув камералари, светофор), раҳбар ходимлар учун мебель харид қилиш таъқиқланмоқда.
👉Бундан ташқари, жорий йилдан молиявий мустақил бўлган олий таълим муассасалари “Ташаббусли бюджет”да иштирок этмайди.