📚 Yoshlar uchun “Xorijiy tillar” marafoni tashkil etildi

“Maxam-Chirchiq”, “Ammafos-Maxam” AJlari yosh ishchi xodimlari hamda D.I.Mendeleyev nomidagi RKTU Toshkent shahridagi filiali talabalari ishtirokida “Xorijiy tillar” marafoni tashkil etildi.

Dastlab ishtirokchilarga D.I.Mendeleyev nomidagi RKTU Toshkent shahridagi filiali bo‘ylab ekskursiya tashkil etilib, ular talabalarga yaratilgan imkoniyat va sharoitlar bilan yaqindan tanishishdi.

So‘ngra yoshlar va “Everest” o'quv markazi asoschisi Xurshid O‘roqov bilan uchrashuv bo‘lib o‘tdi. Samimiy muloqot shaklida o‘tgan ushbu uchrashuvda xorijiy tillarni o‘rganishning ahamiyati haqida so‘z bordi.

Faol ishtirokchilar “Everest” o‘quv markazining maxsus vaucheri bilan taqdirlanishdi.

Shuningdek, ishtirokchilar uchun viktorina tashkil etilib, unda faol qatnashgan va g‘oliblikni qo‘lga kiritgan yoshlarga sertifikatlar taqdim etildi.

Bunday tadbirlar yoshlar o‘rtasida xorijiy tillarni o‘rganishga qiziqishlarini oshirishda muhim ahamiyat kasb etadi.

😄 “Oʻzkimyosanoat” AJ Matbuot xizmati
——————————————————————————————
🌐 Veb-sayt ✉️ Telegram 📱 Facebook 📱 Instagram 🌐 Youtube