Bugun, Savdo-sanoat Palatasi tashabbusi bilan Namangan viloyatida faol tadbirkor ayollar va tadbirkorlik qilish istagida bo‘lgan kam taʼminlangan, imkoniyati cheklangan tashabbuskor tadbirkorlar ishtirokida davra suhbati o‘tkazildi.

Tadbirda Savdo-sanoat Palatasi raisining o‘rinbosari N.Shotursunova ishtirok etib, Prezidentimiz tomonidan tadbirkorlik faoliyatini ayniqsa tadbirkor ayollar, imkoniyati cheklangan aholi qatlamini yana-da qo‘llab-quvvatlash borasida qabul qilingan qaror va farmonlar mazmun mohiyati bilan tanishtirib o‘tdi.

Tadbirda 300 nafardan ortiq tadbirkorlik qilish istagida bo‘lgan tashabbuskorlar, ehtiyojmand oila vakillari hamda imkoniyati cheklangan fuqarolar ishtirok etdilar.

Tadbir davomida ishtirokchilar 20 dan ortiq masalalar ko‘tarilib, shundan 12 ta masala o‘rnida hal etildi. Shuningdek, tadbirda ishtirok etgan yirik tadbirkorlar tomonidan Prezidentimiz tomonidan berilgan imkoniyatlarga javoban ehtiyojmand oila vakillarini kasb-hunarga tayyorlash orqali ularni ish bilan taʼminlash, tadbirkorlik qilish istagidagi fuqarolarni qo‘llab-quvvatlash bo‘yicha o‘z takliflarini bildirdilar.

Tadbirda ishtirok etgan 20 dan ortiq fuqarolar kasb-hunarga tayyorlash orqali ishga qabul qilinib, 6 nafar tadbirkorlik qilish istagidagi tadbirkorlarga o‘z tadbirkorligini boshlash uchun saxovatpesha tadbirkorlar tomonidan asbob-uskunalar va tikuv mashinalari topshirildi.

Tadbir yakunida ishtirokchilar tomonidan yaratilgan sharoitlar va berilgan imkoniyatlardan unumli foydalanib, o‘z tadbirkorligini boshlashlari uchun dastlabki qadam tashlanganini eʼtirof etib o‘z minnatdorchiliklarini bildirdilar.

Sayt | Telegram | Facebook | Instagram | X | YouTube | Murojaat | Guruh