Darak_uz

2025 йилги “Ташаббусли бюджет”нинг биринчи мавсуми бошланди. 1-20 февралгача лойиҳалар openbudget.uz порталига киритилади, улар 21 февралдан 7 мартгача сараланади. 11-20 март кунлари овоз берилади.

Каналга уланиш: @darak_uuz

“Ташаббусли бюджет”нинг 1-мавсуми 1 февралдан бошланади

“Ташаббусли бюджет” жараёнларининг 2025 йилги 1-мавсуми 1 февралдан бошланиб, 20 мартга қадар давом этади.

Бунда:

⁃ Лойиҳа киритиш босқичи — 1–20 февраль;
⁃ Саралаш босқичи — 21 февраль–7 март;
⁃ Тарғибот бисқичи — 8–10 март;
⁃ Овоз бериш босқичи — 11–20 март кунлари ўтказилади.

Жорий йилдаги 1-мавсум ғолиблари 21 март — Наврўз байрами куни эълон қилинади.

Каналга уланиш: @darak_uuz

Bugun ijtimoiy tarmoqlarda Qarshi shahridagi 23-maktab direktorining maktab formasi bo‘yicha o‘qituvchilarga qilgan videomurojaati keng tarqalib, ko‘plab muhokamalarga sabab bo‘ldi.

Shu o‘rinda, bu masalaga o‘z fikrimni bildirmoqchi edim.

Men bu masalada maktab direktori tomondaman. Bugun ota - onalar farzandiga o‘zidanda ko‘proq maktab masʼul bo‘lishini xohlaymiz. Bilimi past bo‘lsa, o‘qituvchi aybdor, xulqi o‘zgarsa, o‘qituvchi aybdor, bilimli bo‘lsin, deb dakki bersa, o‘qituvchi aybdor.
Endi o‘zimizga bir savol beraylik, qaysi ona yoki ota o‘z bolasiga dakki bermaydi, qaysi ota-ona bolasini urmaydi, hozirgi kattalardan qaysi biri o‘qituvchidan kaltak yemagan? Bu holatda ham maktab direktori bolalarni, maktabning obro‘sini o‘ylab gapirgan. Forma nima uchun qilinadi? Jamiyatda hammaning teng huquli ekanligini bildirish, boyning bolasi kunda kiyib keladigan har xil kiyimlarni ko‘rib, kambag‘alning bolasi o‘ksib qolishining oldini olish. Maktab formasi ham kiyim. Qaysi kiyimni tekinga olayapmiz? Davlat maktabida taʼlim olish bepul. Lekin xususiy maktablardagi bolalar ham falon so‘m oylik to‘lov to‘laydi, ham aytilgan formada yuradi. Qolaversa, maktabning barcha qoidasiga so‘zsiz bo‘ysunadi. Amal qilmasin-chi, shu kuniyoq haydaladi. Bunga ota-onalar ham qarshilik qilolmaydi. Yoki repetitorlarda ham bitta kitob falon so‘m, ol, desa oladi. Davlat maktabida esa darsliklar tekin. Shuning hisobiga bugun davlat maktablari va undagi ustozlar ayrim ota-onalar tomonidan qadrsizlanayapti.

Bugun hamma sohada shu kabi "yig‘di-yig‘di" lar borligini hech birimiz inkor qila olmaymiz. Lekin bu videoning keng tarqalishi maktabdagi holat emas, balki shaxsni obro‘sizlantirish uchun atay qilingandek nazarimda.

Bugun mamlakatimiz rivojlanlangan mamlakatlar qatoriga kirib borayapti. Bunday davlatlarda esa bepul taʼlim yo‘q. Shunday ekan, muqaddas kitoblarda ham, konstitutsiyada ham, davlat rahbari tomonidan ham bugun eʼzozlanayotgan ustozlarni siz-u bizni o‘ylab qilayotgan ishlaridan ayb topib, millatni sharmanda qilavermaylik. Ertaga sizning ham farzandlaringiz o‘qituvchi bo‘lganida, shunday holatga tushmasligi kafolatlanmagan. Shu sabali, bugun barcha sharoitlar bor maktablarni ko‘zimizga surtib, bolalarimizni guldek qilib, taʼlim olishiga qo‘yib beraylik. Zero, bugun siz bolangizni nima bilan ovora qilsangiz, natija shunga munosib bo‘ladi.

Kanalga ulanish: @darak_uuz

2025 йил 1 февралга қадар туман банклари филиалларида маҳаллабай ишлаш бўлимлари ташкил этилиб, уларга “маҳалла банкирлари” тайинланади. Шунингдек, ҳар бир маҳаллада улар билан бирга ишлайдиган “ёрдамчи-агентлар” танлаб олинади. 

“online-mahalla.uz”, “bank-kredit.uz” ва “soliq.uz” ахборот тизимлари интеграция қилиниб, масъулларга юклатилган вазифалар ижроси кунлик таҳлил қилиб борилади. Фаолияти қониқарсиз бўлган раҳбарларга чора кўрилади.

 Каналга уланиш: @darak_uuz

Боғчаларда директор ўринбосари лавозими жорий қилинади

Эндиликда боғчаларда ҳам директор ўринбосари лавозими жорий этилиб, уларнинг айримларига 20 фоизлик устама тўланади.

 Каналга уланиш: @darak_uuz

Камбағал оилаларга фоизсиз ссуда (қарз) ажратилади

Президентнинг “Камбағалликдан фаровонлик сари” дастурини амалга ошириш бўйича биринчи навбатдаги чора-тадбирлар тўғрисида”ги қарори қабул қилинди.

Унга кўра:

▪️ўн кун муддатда ҳар бир туман ва шаҳарнинг ихтисослашувидан келиб чиқиб, саноат, қишлоқ хўжалиги ҳамда хизмат кўрсатиш соҳаларида тадбиркорликнинг ривожланишига туртки берувчи 5 тадан «драйвер» лойиҳалар рўйхатини тасдиқланади ва уларга зарур инфратузилмани яратиш учун Давлат бюджетидан 2024-2025 йилларда 1 триллион сўм маблағ ажратилади;

▪️оилавий тадбиркорликни ривожлантириш, «Бизнесга биринчи қадам» дастурлари ҳамда микромолия ташкилотлари орқали жорий йил якунигача 4 триллион сўм, 2025 йилда 15 триллион сўм кредитлар ажратилади;

▪️10 кун муддатда субсидиялар турларини мақбуллаштириш ва мазкур мақсадлар учун кўзда тутилган маблағлар ҳажмини камайтирмаган ҳолда камбағал оилаларга фоизсиз ссуда ажратиш тартиби бўйича таклифлар киритилади;

▪️маҳаллаларда камбағал оилани аниқлаш, уни Камбағал оилалар реестрига киритиш, камбағалликдан чиқаришга қаратилган чораларни кўриш, реестрдан чиқариш жараёнлари «маҳалла еттилиги» томонидан ҳамкорлик асосида амалга оширилади;

▪️камбағал оилаларга — даромадли меҳнат фаолияти билан банд қилиш ва тадбиркорликка жалб қилиш йўналишида ҳоким ёрдамчиси, ижтимоий хизмат ва ёрдам кўрсатиш, соғлиқни сақлаш ва таълим йўналишларида — ижтимоий ходим ҳамроҳлик қилади;

▪️50 минг гектар ер майдонини камбағал оилаларга 30 йилгача ижарага берилади. Ер майдонларини ижарага бериш бўйича электрон онлайн аукцион савдоларини «маҳалла еттилиги»нинг тавсияси билан камбағал оилалар ўртасида ўтказилади ва ер майдонларини ижарага бериш бўйича электрон онлайн аукцион савдолари ғолибларига ер участкаси нархини 10 йил муддатга тенг улушларда фоизсиз бўлиб-бўлиб тўлашга рухсат берилади.

▪️АТ «Халқ банки», «Микрокредитбанк» АТБ бириктирилган раҳбарларнинг хулосаси асосида:

➖ камбағал оилаларга ноутбук сотиб олиш учун 5 йил муддатга 2 йил имтиёзли давр билан гаровсиз ва фоизсиз қарз ажратади;

➖ тадбиркорлик фаолиятини бошлаш учун қиймати 30 млн сўмгача бўлган кичик ишлаб чиқариш ускуналари, кўчма дўконлар (food truck), мотороллер, скутер ва шу каби бошқа асосий воситаларни сотиб олиш учун 5 йил муддатга бўлиб-бўлиб тўлаш шарти билан гаровсиз ва фоизсиз қарз ажратилади.

Қорақалпоғистон Республикаси, вилоятлар ва Тошкент шаҳри, туман (шаҳар) ташкилотларининг 14 мингта раҳбарлари ва уларнинг ўринбосарларининг ҳар бирига ҳар 6 ойда 5 тадан энг оғир аҳволдаги камбағал оилалар бириктирилади.

➖ улар ҳар ойда икки марта ўзига бириктирилган оилалар билан учрашиб, камбағалликдан чиқариш бўйича индивидуал режада белгиланган чоралар амалга оширилишини таҳлил қилади, юзага келган муаммоларни аниқлайди ҳамда уларни жойида бартараф этиш чораларини кўриб боради.

➖ улар ҳар ойда бир марта ўзига бириктирилган маҳаллаларга бориб, чора-тадбирларда белгиланган вазифалар амалга оширилишини таҳлил қилиб, юзага келган муаммоларни аниқлайди ва уларни жойида бартараф этиш чораларини кўради.

▪️2024-2025 йилларда республика даражасидаги давлат идоралари раҳбарлари ва уларнинг ўринбосарлари энг оғир аҳволдаги 1 000 та маҳаллага бириктирилади.

▪️Камбағал оилалар ва маҳаллаларга бириктирилган раҳбарларга зиммасига юклатилган вазифаларни бажариш доирасида тегишли ташкилотнинг фойдаси ва бюджетдан ташқари маблағларидан фойдаланишга рухсат этилади. Бунда кўмак кўрсатиш фақат камбағал оилалар ўз даромадини ошириши, фарзандларининг таълим олиши ва оила аъзоларининг соғлиғини тиклаши ва яшаш шароитини яхшилаши билан боғлиқ бошқа мажбуриятларни бажарган тақдирда амалга оширилади. Ушбу маблағлар ҳисобидан камбағал оилаларга моддий ёрдам кўрсатиш тақиқланади.

Каналга уланиш: @darak_uuz

❗️Иш ҳақи миқдори оширилади

2024 йил 1 октябрдан бошлаб:

▪️бюджет ташкилотларида ишловчи тиббиёт ходимлари, шунингдек, мактабгача, умумтаълим, ўрта махсус, профессионал ва мактабдан ташқари таълим муассасалари ва ташкилотлари, “Мурувват” интернат уйлари, болалар ва меҳрибонлик уйлари, болалар санаторияларида ишловчи педагог ходимларнинг иш ҳақи миқдори – 15 фоизга оширилади.

▪️бюджет ташкилотлари ходимларининг иш ҳақи миқдори – 10 фоизга оширилади.

Шунингдек:

➖ меҳнатга ҳақ тўлашнинг энг кам миқдори – ойига 1 155 000 сўм;

➖ базавий ҳисоблаш миқдори – 375 000 сўм этиб белгиланади.

Каналга уланиш: @darak_uuz

❗️ Музқаймоқларда ичак таёқчаси гуруҳидаги бактериялар аниқланди

Рақобат қўмитаси томонидан фуқароларнинг мурожаатлари асосида назорат хариди тадбири ўтказилди. Унда “X XASANBOY VA XOLOD” МЧЖ томонидан ишлаб чиқарилган қадоғида шакарсиз деб кўрсатилган “Хоттабыч” номли музқаймоқнинг 7 та тури харид қилинди ва белгиланган тартибда аккредитациядан ўтказилган учта лабораторияга топширилди.

Лаборатория хулосасига кўра, музқаймоқ қадоғида шакарсиз деб кўрсатилган “Хоттабыч” номли музқаймоқнинг “Эскимо”, “Бананли”, “Фисташкали”,“Шоколадли”, “Олхўри мевали” ва “Пломбир” турлари таркибида ичак таёқчаси гуруҳидаги бактериялар аниқланганлиги сабабли бактериологик кўрсаткичлари бўйича СанПин 0366-19 талабларига номувофиқ деб топилди.

Шунингдек, маҳсулотлар таркибида шакар миқдори белгиланган меъёрлардан икки баробарга кўплиги ҳамда истеъмолчига тегишли бўлган 10 га яқин зарур маълумотлар тақдим этилмаганлиги аниқланган.

Каналга уланиш: @darak_uuz

❗️Мактабгача таълим ташкилотига директор тайинлашнинг янги тартиби жорий этилади

Вазирлар Маҳкамасининг (27.08.2024 й. №531-сон) қарорига мувофиқ:

2025 йил 1 январдан бошлаб, Малака ошириш институтида Мактабгача ва мактаб таълими вазирлиги тизимидаги давлат мактабгача таълими ташкилоти (МТТ) директори лавозимига номзодларни менежерлик ўқув курсида ўқитиш ва уларга махсус портал орқали менежерлик сертификатини электрон шаклда бериш тизими этилади.

2025 йил 1 сентябрдан бошлаб менежерлик сертификатига эга бўлган МТТ директорига ушбу сертификатнинг амал қилиш муддати давомида лавозим маошига ҳар ойлик 30 фоиз қўшимча устама тўланади.

2025 йил 1 январга қадар директор лавозимида ишлаб келаётган ходимларни ўқитиш ва сертификат олиш билан боғлиқ харажатлар Давлат бюджети маблағлари ҳисобидан қопланади.

Каналга уланиш: @darak_uuz