Bugun Oʻzbekiston Respublikasi Sport vaziri Adkham Ikramov rahbarligida sohani rivojlantirishga doir videoselektor yigʻilishi oʻtkazildi.

Yigʻilishda sport sohasida 2025-yilda amalga oshiriladigan vazifalar
konsepsiyasi, jumladan ommaviy sportni rivojlantirish, sport sinovlarini qabul qilish, mahallalarda sport maydonchalarini barpo etish, sport maktablari faoliyatini rivojlantirish, nogironligi boʻlgan shaxslarni sportga jalb etish, sohani takomillashtirish dasturlarini amalga oshirishga oid vazifalar tahlil qilindi.

Shuningdek, Sport tashkilotlarining 2025-yilgi smetalarini puxta ishlash, "Divizion sport musobaqalari"ni tashkil etish, "Tashabbusli byudjet" va investitsiya loyihalari bilan ishlash kabi masalalar koʻrib chiqildi.

Yig'ilish davomida Sport vaziri tomonidan har bir yo'nalish bo'yicha ishlarni reja asosida tashkil etish, hududlardagi kamchiliklarni bartaraf etish yuzasidan mas'ullarga tegishli ko'rsatma va topshiriqlar berildi.

Yigʻilish yakunida tegishli masʼullar va sport rahbarlarining kun tartibidagi masalalar yuzasidan hisobotlari eshitilib, istiqbolda amalga oshirilishi belgilangan vazifalar muhokama qilindi

Web-Sayt | Telegram | Facebook | Instagram | Youtube