​​Ayroliq

Mening daholarim o‘tdi olamdan,
Uzlatga chekindi mag‘lub do‘stlarim.
Zamindan yulinib qolgan hujramda
Oy bilan so‘zlashib yig‘lar ko‘zlarim.

Bir oshno izlaydir devona dilim,
Qay taraf qarasam tuman, zalolat.
Kuygan yuragimga yetmaydir qo‘lim,
Yetmaydi o‘zimga o‘zdan malomat.

Qayda dil tovushin tinglar bandalar?.
Bir vola qaytmadi ketgan nolamdan.
Yer ostida tinchlik, yer usti xatar,
Mening daholarim o‘tdi olamdan.

1989

© Eshqobil Shukur
 
- @ch_k_t