Buxoro tumani hokimligi

#Qaror_va_ijro

O’zbekiston Respublikasi Prezidenti tomonidan joriy yilning 3-yanvar kuni “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi qarori imzolandi.

Mazkur qarorning ijrosini tashkil etish bo‘yicha Milliy gvardiya qo‘mondoni general-mayor R.Djurayev boshchiligidagi ishchi guruh Buxoro viloyatida o‘z faoliyatini boshladi.

Xususan, kecha Milliy gvardiya qo‘mondon o’rinbosari Mamirjon Ga’niyev boschiligidagi ishchi guruh ushbu qarorning ijrosini ta’minlash va mazmun mohiyatini targ’ib qilish maqsadida Buxoro tuman mas’ullari bilan uchrashdi.

Tuman hokimi Anvarjon Ochilov boshchiligidagi sektor rahbarlari,”So’fikorgar”, “Navro’z”, “Rabotak” mahalla yettiligi va tegishli korxona tashkilot rahbarlari bilan bo‘lib o‘tgan uchrashuvda, qarorning mazmun mohiyati tushuntirilib, o‘tgan yilda jinoyat sodir etilgan har bir mahallarda kriminogen vaziyatni barqarorlashtirish, mahallalar kesimida manzilli chora-tadbirlar belgilangan holda mahalla-tuman darajasida uning ijrosi uchun bevosita masʼul rahbarlarni biriktirish va aniq sohaviy javobgarlikni yuklash, ilmiy-amaliy yondashuvlar asosida joylarga chiqqan holda maqsadli o‘rganishlarni o‘tkazish orqali huquqbuzarliklarga sabab bo‘layotgan asl omillarni aniqlash va barham berish bo‘yicha tashkiliy-huquqiy choralarni ko‘rish, mahallalarda yoshlar, ayollar va ishsizlar tomonidan, shuningdek, oila-turmush munosabatlari doirasida sodir etiladigan jinoyatlarning oldini olishda “mahalla yettiligi” har bir vakilining aniq masʼuliyatini belgilandi.