BUXORO.UZ | Rasmiy kanal

⚡️Qorovulbozor: “Parranda eksport savdo” mas’uliyati cheklangan jamiyati kuniga 100 ming dona tuxum olmoqda

Parrandani bekorga “Yetti xazinaning biri” deya atashmaydi, chunki tovuq qisqa vaqt oralig‘ida go‘shtga kirishi, tuxum berishi va ijtimoiy hayotda foydalanadigan boshqa mahsulotlar manbaiga aylanishi barchaga ma’lumdir.

Bugungi kunda tuxumga bo‘lgan talabining oshishi sababli parrandachilikka qiziqish tobora ortib bormoqda.

Ushbu soha Qorovulbozor tumanida ham jadal rivojlanmoqda.

Tumandagi 1-sektorga qarashli “Navbahor” mahallasida “Parranda eksport savdo” mas’uliyati cheklangan jamiyati tomonidan parrandachilik kompleksi ishga tushirilgan. Loyiha qiymati 2 mln AQSH dollarini tashil etadi. Shundan, 1 mln AQSH dollari ATB "Mikrokreditbank" tomonidan moliyalashtirilgan.

Bugungi kunda mazkur korxonada 120 ming dona tuxum yo‘nalishidagi tovuqlari parvarishlanmoqda. Ulardan kuniga 100 ming dona tuxum olinmoqda.

Tovuqlarning ozuqasi korxonaning o‘zida ishlab chiqarilayotganligi, mahsulot tannarxining arzonlashishiga xizmat qilmoqda.

— Korxonamizda 20 nafarga yaqin ishchilar mehnat qilib, 2,5 mln so‘mdan 6 mln so‘mgacha oylik maosh olishmoqda. Bozorlarimizni sifatli va arzon tuxum mahsulotlari bilan ta’minlash asosiy maqsadimiz. Bundan tashqari, korxonamizda 50 mimg bosh broller jo‘jalarni ham boqishni yo‘lga qo‘yganmiz, – deydi korxona ta’sischisi Farrux Bekmirzayev.

Bu kabi korxonalar xalqmiz dasturxoni sifatli va arzon mahsulotlar bilan ta’minlabgina qolmay, yangi ish o‘rinlarni yaratilishi bilan ham ahamiyatlidir.

Buxoro.uz | Facebook | Instagram | YouTube