✅ Mikromoliya banklarini tashkil etishga ruxsat berildi

O‘zbekistonda mikromoliya banklarini tashkil etishga ruxsat berildi. Bu haqda Adliya vazirligi matbuot xizmati xabar berdi.

Bu o‘zgarish mikromoliya tashkilotlari va banklar o‘rtasida yangi moliyaviy tizim yaratib, mikromoliya tashkilotlariga qo‘shimcha mablag‘ jalb qilish, ya'ni depozit qabul qilish imkonini beradi.

Mikromoliya banki ochish va faoliyat yuritish uchun litsenziya Markaziy bank tomonidan beriladi. Ushbu banklarga muayyan shartlar asosida xizmat ko‘rsatish vakolati beriladi.

Bundan tashqari, yangi qonun mikromoliya tashkilotlari va banklar o‘rtasida o‘zaro o‘tish jarayonini qonuniylashtirdi. Endi quyidagi o‘zgarishlar amalga oshirilishi mumkin:

✍️ Mikromoliya tashkiloti → mikromoliya banki
✍️ Mikromoliya banki → tijorat banki
✍️ Tijorat banki → mikromoliya banki
✍️ Mikromoliya banki → mikromoliya tashkiloti

Bu o‘zgarishlar kichik biznes va fuqarolar uchun moliyaviy xizmatlarni yanada kengaytirishga yordam berishi kutilmoqda.

Telegram I Instagram I Veb-sayt