Toshkentda uy-joylarning investitsion daromadliligi pasaymoqda

Makroiqtisodiy va hududiy tadqiqotlar instituti (MHTI) mutaxassislari tomonidan Toshkent shahrida ko‘p qavatli uy-joylarga investitsiyalar daromadliligi tahlil qilindi.

Qayd qilinishicha, Toshkent shahrida uy-joyga investitsiyalar daromadliligi tushib bormoqda. 2024-yil fevralda poytaxtda ko‘p qavatli uy-joyga investitsiyalarning daromadliligi o‘rtacha 32,4% ni tashkil qilgan bo‘lsa, oktyabrda ushbu ko‘rsatkich 12,2% gacha tushdi.

Ushbu ko‘rsatkich uy-joy joylashgan hudud va xonalar sonidan kelib chiqib quyidagicha farqlanadi:

• 1 xonali: Mirzo Ulug‘bek – 2,3 foiz (fevralda – 25,7 foiz), Shayxontohur – 17 foiz (50 foiz);
• 2 xonali: Sergeli – 7,4 foiz (19,4 foiz), Shayxontohur – 17,2 foiz (59 foiz);
• 3 xonali: Bektemir – 3,2 foiz (33,7 foiz), Yunusobod – 13,7 foiz (48,7foiz);
• 4 xonali: Bektemir – 2 foiz (37,9 foiz), Yunusobod – 17 foiz (39,8 foiz).

Uy-joyning investitsion daromadliligi uy-joy narxlari yillik o‘zgarishidan olinadigan daromad hamda ularni ijaraga berishdan keladigan yillik daromad yig‘indisi asosida hisoblangan.

Telegram I Instagram I Veb-sayt