19-kazus: Ma’lumki, 1982-yilgi Dengiz huquqi to’g’risidagi BMT konvensiyasiga ko’ra, qirg’oqbo’yi davlati o’zining hududiy dengizida tinch o’tish huquqiga taalluqli qonunlar va qoidalarni joriy qilish huquqiga ega.

Xelal davlati xorijiy kemalarga o‘z hududiy dengizida dengiz ilmiy tadqiqotlarini o’tkazishni, dengiz zaxiralarini asrash, xususan noyob baliq turlarini ovlashni taqiqlash kabi bir qator choralarni belgilagan edi.Kitland davlatida ro’yxatdan o’tgan xususiy kema Xelal davlatining hududiy dengiziga kiradi va ilmiy tadqiqot maqsadlarida dengiz muhitini fotosyomkaga ola boshlaydi. Xelal davlatining qirg’oq politsiyasi bunday harakatlar tinch o’tish huquqini buzish hisoblanishini, olingan rasmlarni o’chirib tashlab, ushbu kemani mamlakat portiga kirishini taqiqlaydi. Kitland davlati kemasi kapitani Xelal davlati tomonidan qabul qilingan bunday qoidalar ommaviy e’lon qilinmaganligini vaj qilib qirg’oq politsiyasining harakatlari noqoniniy ekanligini ma’lum qiladi.