Самарқанд – маданият чорраҳаси

"Халқ ижодиёти карвони" лойиҳаси Самарқанднинг маданий ҳаётида унутилмас воқеага айланди. Бутун вилоят бўйлаб театр ва концерт заллларида санъатнинг турли жанрлари уйғунлашиб кетди.

Тадбир доирасида ўтказилган гала-концертда Ўзбекистоннинг турли бурчакларидан келган санъаткорлар ўз маҳоратларини намойиш этдилар. Анъанавий мусиқа, рақс ва замонавий эстрада санъати уйғунлигида ўтган концерт томошабинларда катта таассурот қолдирди.

Бу каби маданий тадбирлар Самарқанднинг халқаро майдондаги нуфузини янада оширишга хизмат қилади.