📉 Avtomobil importi keskin pasaydi

Yanvar oyida O‘zbekistonga 1796 ta yengil avtomobil, shu jumladan elektromobil va gibridlar olib kelindi.

Bu bir yil avvalgi ko‘rsatkichdan 5,6 barobar kam.

Importning umumiy qiymati yanada ko‘proq (7,1 baravar) pasaydi - $221 mlndan $31 mlngacha.

Barcha turdagi avtomobillar importi kamaydi - benzinli avtomobillar 6,7 barobar, elektromobillar 2,5 barobar, gibrid avtomobillar esa 31 barobar.

Aslida, keskin o‘sishdan keyin keskin pasayish odatiy holat. Bozor vaqtincha "to‘yinganda" shunday bo‘ladi.

Ammo O‘zbekistonda buning ehtimoli past, chunki bizda avtomobillarga bo‘lgan talab taklifdan ancha yuqori.

Shuning uchun, import ko‘proq Piskentdagi poligon tufayli pasayganga o‘xshaydi, chunki xorijiy avtomobillar u yerda sinovdan o‘tishi shart.

Ehtimol, poligonning quvvati O‘zbekistonga avvalgidek ko‘p avtomobil olib kirish uchun yetarli emas.

Bularning barchasi, tabiiy ravishda, import qilinadigan avtomobillarning mavjudligini kamaytirib, natijada ularning narxini oshirishiga olib kelishi mumkin.

Hozirda narxlar haqida ishonchli ma’lumot to‘plamoqdamiz, tez orada aniq bilib olamiz.

©️ Manba

Telegram I Instagram I Veb-sayt