🧕 Миомани: нега даволаш натижа бермайди? Ва рецидивлардан ( қайталанишлардан) қандай қочиш керак?
📊 Статистикага кўра, аёлларнинг 70 фоизи 50 ёшга тўлгунга қадар ушбу касалликка дучор бўлишини биласизми?
➡️ Миома - бачадоннинг мушак қаватида пайдо бўладиган, гормонга боғлиқ бўлган яхши сифатли ўсма. Унинг мавжудлиги аёлга кўп муаммоларни келтириб чиқариши мумкин: қорин оғриғи, ҳайз даврининг бузилиши, ҳомиладор бўлиш билан боғлиқ муаммолар ва бошқалар.
➡️ Бундан ташқари, кўплаб аёллар ўзларининг миомаси борлигига шубҳа ҳам қилмайдилар, чунки дастлабки босқичларда у аниқ аломатларсиз пайдо бўлиши мумкин.
➡️ Миомани даволаш самарали бўлиши ва аёлнинг қайталанишини олдини олиш учун овқатланиш бўйича тавсияларга амал қилиш ҳам муҳимдир:
✅ Таркибида бета-каротин бўлган сабзавотларни кўпроқ истеъмол қилинг: сабзи, хурмо, исмалоқ, қовоқ. Шунингдек, рационингизга брокколи ва гулкарамни ҳам киритинг.
➡️ Ушбу маҳсулотлар метаболизмни нормаллаштиради ва организмдаги эстроген детоксига ижобий таъсир кўрсатади.
✅ Аччиқ қора чой ва қаҳвадан воз кечинг, уларни кўк чойга алмаштиринг. Кўк чой антиоксидант полифенолга бой бўлиб, у эстрогенни зарарли таъсирини камайтиради.
✅ Рациондан ёғли гўшт, маргарин, ёғли творог, қаймоқли пироглар, фабрикада тайёрланган чучвара ва ун маҳсулотлари, майонез, сариёғ ва бошқаларни чиқариб ташланг.
✅ Фаст-фуддан бутунлай воз кечинг - ортиқча вазн эстроген ишлаб чиқаришни рағбатлантиради, бу эса миоманинг кўпайишига ва катталашишига ёрдам беради.
✅ Кўпроқ тола ( клетчатка), сабзавот, мева ва ишлов берилмаган дон маҳсулотларини истеъмол қилинг, бу ҳам гормонлар даражасини тартибга солишга ёрдам беради.
✅ Кўп ҳайз кўрганда ривожланиши мумкин бўлган камқонликнинг олдини олиш учун рационингизга темирга бой озиқ-овқатларни қўшинг, масалан, мол гўшти, исмалоқ ва дуккаклилар.
✅ Ва бу айсбергнинг фақат учи, қолган тавсияларни Нутрисиолог қабулида билиб оласиз.
🖊Педиатр, неврапатолог, психолог — Дилафрўз Усмонова
@ayollarga_komak