Қонун ва тенгхуқуқлик.UZ/Закон и равноправие.UZ

Камбағал оилаларни аниқлашдаги хатолик сабаб маҳалла бешлиги жазоланадими?

Айтишларича, Ангрендаги айрим маҳаллаларда “Камбағал оилалар 
реестри”га киритиш ва чиқариш тўғрисидаги вақтинчалик тартибга амал қилинмай, эски тартиб билан иш тутилгани ортидан маҳалла бешлигига интизомий жазодан тортиб, ишдан олишгача масала кўриб чиқиляпти экан.

Ўринли савол туғилади: вақтинчалик тартиб маҳалла 5 лигига тақдим қилинганми ёки кейин кўрсатилганми?

Рўйхат шакллантирилиб бўлинганидан кейин ушбу реестрга киритиш борасида ўқув семинари ўтказилган экан. "После пожара" бу нега керак эди?

Кимнидир жазолаш ўрнига ишни аввал бошдан пухта ташкил этиш ва назорат килиш авзалмасмиди?

https://t.me/Angren_Narodniy_kontrol_kanal

Ёшлар дафтари"га киритилган ёшларга "права"га ўқиш пули тўлаб берилади

Қонунчиликка асосан, дафтардаги ёшларнинг автомактабда ўқиш ҳаражатлари қопланади. Бу миқдор — БҲМнинг 4 бараваригача, 1 млн 320 минг сўмни ташкил қилади.

Бунинг учун автомактабда ўқишни истаган ёшлар туман (шаҳар) ёшлар ишлари бўлимига ариза ҳамда ўқув курси шартномаси нусхасини беради. Шартномада таълим ташкилоти номи, СТИР, ўқув курси ёки касб-ҳунар номи, бир ойлик тўлов миқдори ва умумий муддат кўрсатилган бўлиши лозим.

https://t.me/Angren_Narodniy_kontrol_kanal

Бош прокурор, Ўзбекистон кураш федерацияси раҳбари Ниғматилла Тўлқинович Йўлдошев Ўзбекистон спорт курашлари ассосиацияси раиси этиб сайланди.

Илгари бу лавозимда ишлаб келган Салим Абдувалиев лавозимидан озод қилинган.

https://t.me/Angren_Narodniy_kontrol_kanal

Олти йил аввалги овозли хабар учун беш йиллик қамоқ жазоси

Ижтимоий хавфи катта бўлмаса-да тирноқ тагидан кир қидириш амалиёти кўпайиб бораётганга ўхшайди. Масалан,
“ISHONCH VA HARAKAT” адвокатлик бюроси адвокати Абдували Даминов айтиб берган ҳолатни эшитиб, Сталин давридаги НКВДнинг хунрезликлар кўз олдимизда гавдаланмоқда.

Маълум бўлишича, фуқаро С.Илиусинов 2019 йил июль ойида телеграмм орқали ўзининг иккита танишига моҳиятини англамай Ўзбекистон қонунлари шариатга тўғри келмаслиги, қонун чиқарувчи Сенатда мусулмон бўлмаганлар ҳам борлиги тўғрисида овозли хабар юборган.

Бироқ орадан 6 йил вақт ўтгач, бу иш кўтарилиб, ЖИБ Олмазор туман судининг судьяси С.Шодмонов, С.Илиусиновга ЖКнинг 244-1-моддаси 3-қисми “г” банди ва 156-моддасининг 2-қисмида назарда тутилган жиноятни содир этиш айби билан беш йил-у бир ой муддатга озодликдан маҳрум қилиш жазоси тайинлабди.

Қизиғи шундаки, Олий суд томонидан эълон қилинган таъқиқланган материаллар рўйхати (19.12.2024 ҳолатига кўра бу маълумотлар доимий янгиланиб борилади)да  С.Илиусинов юборган овозли хабар файли мавжуд эмас.

Негадир суд С.Илиусиновга жазо тайинлашда унинг муқаддам судланмагани, оилада ёлғиз боқувчилиги, қарамоғида касалманд онаси, турмуш ўртоғи ҳамда уч нафар вояга етмаган фарзандлари борлигини, овозли хабар бундан олти йил аввал юборилгани, уни бирор бир диний оқим ёки йўналишга мойиллиги йўқлиги, етти ойдан бери қамоқда сақланаётгани, қилмишидан пушаймонлиги, айбига иқрорлиги, маҳалла томонидан кафиллик берилганига қарамай унга нисбатан ЖКнинг 57-моддасини қўлламаган.

Адвокатнинг айтишича, С.П.Илиусиновни оиласининг иқтисодий аҳволи ниҳоятда оғир. У ўзи рассомчилик билан шуғулланган. Иш бўлмай қолганда таксичилик ортидан оила боққан. Бугун унинг оиласи ҳимоя учун ҳатто адвокат ёллашга ҳам пул тополмай қийналмоқда.

Қизиқ: олти йил аввалги биргина овозли хабар учун бугун бир оиланинг боқувчисини қамаб, онаси ва болаларини оч-наҳор, қаровсиз қолдириш кимга керак: давлатгами, судгами ё..?

https://t.me/Angren_Narodniy_kontrol_kanal

Фуқаролар йиғини раисининг ваколат муддати уч йилдан беш йилга узайтирилади. Қонун Парламентда кўрилмоқда.

https://t.me/Angren_Narodniy_kontrol_kanal

Эртага, 14 январь — барча учун иш куни

14 январь – Ватан ҳимоячилари куни Ўзбекистонда кенг нишонланади, бироқ бу кун дам олиш куни ҳисобланмайди.

Меҳнат кодексининг 208-моддасига кўра, қуйидаги 9 та ишланмайдиган байрам куни бор:

1 январь — Янги йил;
8 март — Хотин-қизлар куни;
21 март — Наврўз байрами;
9 май — Хотира ва қадрлаш куни;
1 сентябрь — Мустақиллик куни;
1 октябрь — Ўқитувчи ва мураббийлар куни;
8 декабрь — Конституция куни;
Рўза ҳайит (Ийд ал-Фитр) диний байрамининг биринчи куни;
Қурбон ҳайит (Ийд ал-Адҳа) диний байрамининг биринчи куни.

Қонун билан тасдиқланган байрамлар сони 30 дан ортиқ бўлиб, уларнинг 9 таси дам олиш куни ҳисобланади, қолганлари эса ишланадиган байрам кунларидир. 14 январь – Ватан ҳимоячилари куни ҳам қонун билан белгиланган ишланадиган байрам кунларидан биридир.

https://t.me/Angren_Narodniy_kontrol_kanal

​❗️ Қонунчиликда ногиронлиги бўлган шахсларга берилган айрим имтиёзлар

🔷 Ногиронлиги бўлган шахслар учун ОТМда давлат гранти асосида қўшимча қабул квотаси ажратилади.

🔷 Ногиронлиги бўлган шахсларнинг автотранспорт воситалари учун ажратилган тўхтаб туриш жойларидан фойдаланганлик учун ҳақ олинмайди.

🔷 I ва II гуруҳ ногиронлиги бўлган шахсларга ДХМ ва (ёки) ЯИДХП орқали хизмат кўрсатишда 50 фоиз миқдорида чегирма қўлланилади.

🔷 Ногиронлиги бўлган шахслар жамоат бирлашмалари рамзларини давлат рўйхатидан (қайта рўйхатдан) ўтказиш учун давлат божи ундирилмайди.

🔷 Ногиронлиги бўлган 18 ёшгача болаларга ҳамда I ёки II гуруҳ ногиронлиги бўлган шахсларга ногиронлик нафақасини тайинлашда давлат хизматлари бепул кўрсатилади.

🔷 I ва II гуруҳ ногиронлиги бўлган шахслар болаларини давлат мактабгача таълим муассасаларига қабул қилишда имтиёзли рўйхатга киритилган.

🔷 Тегишли тиббий хулоса асосида муҳтож шахсларга протез-ортопедия мосламалари ва реабилитация қилишнинг техник воситалари берилади.

🔷 Ногиронлиги бўлган шахслар санаторий-курортда бепул соғломлаштириш ҳуқуқига эга.

🔷 I ва II гуруҳ ногиронлиги бўлган шахсларнинг мулкида бўлган мол-мулк 60 квадрат метр доирасида солиқ солишдан озод қилинади.

🔷 Меҳмонхоналарда ногиронлиги бўлган шахслар учун алоҳида шароитга эга хона ташкил этилади.

🔷 Хизмат турар жойларида яшаётган I ва II гуруҳ ногиронлари хизмат уйидан бошқа турар жой берган ҳолда кўчирилади.

🔷 Ногиронлиги бўлган ёшларга БҲМнинг 50 бараваригача (18 млн 750 минг сўмгача) субсидия ажратилади.

🔷 I ва II гуруҳ ногиронлиги бўлган шахслар ер солиғидан озод қилинади.

🔷 Бюджет маблағлари ҳисобига молиялаштириладиган бассейнларда шуғулланиш ва улардан фойдаланиш учун ногиронлиги бўлган болалар тўловдан озод этилади.

🔷 Болаликдан ногирон бўлганлар, шунингдек I ва II гуруҳ ногиронларининг МҲТЭКМнинг 3 баравари (3 млн 465 минг сўм) миқдоридаги маблағлари даромад солиғига тортилмайди.

РАСМАН

⚡️Ўқитувчилар автомобилларни банклари орқали имтиёзли шартлар асосида харид қилиш мумкин, — “Ўзавтосаноат”

Бугун ижтимоий тармоқларда ЎзАуто Вазирлар Маҳкамасининг ўқитувчилар учун автомобилларни тижорат банклари орқали 60 ой муддатга ва 30 фоиз дастлабки тўлов билан имтиёзли шартлар асосида харид қилиш бўйича топшириғини рад этгани ҳақида хабарлар кенг тарқалди.

“Ўзавтосаноат” АЖ Вазирлар Маҳкамасининг топшириғини рад этгани тўғрисидаги хабарлар ҳақиқатга тўғри келмаслигини ҳамда фейк хабар эканлигини маълум қилади.

“Ўзавтосаноат” АЖ тижорат банклари томонидан Вазирлар Маҳкамасининг топшириғи ижроси доирасида бериладиган имтиёзли автокредитлар орқали автомобилларни сотишга тайёр (тижорат банкларида жисмоний шахсларнинг харидларини молиялаштириш учун кредитдан бошқа механизм мавжуд эмас).

Бундан ташқари, хатнинг асл нусхасида автомобил харид қилиш учун Асакабанк, Алоқа Банк, Ипак Йўли Банки, ИнфинБАНК, Бизнесни Ривожлантириш Банки, Асиа Аллинcе Банк ва Тенге Банк орқали турли механизмлар, жумладан, имтиёзли шартларда жорий этилганлиги маълум қилинади.

“Ўзавтосаноат” АЖ ижтимоий тармоқдаги гуруҳ админстраторларидан текширилмаган ва тасдиқланмаган маълумотларни тарқатмасликни сўрайди.

https://t.me/Angren_Narodniy_kontrol_kanal