Yashay desang, yashagani qo'yishmasa,
Itga tuflab tashlagani qo'yishmasa...
Adolatda harf va mazmun boshqa bo'lsa,
Iymoningni qanday saqlab turish kerak?
Surish kerak!

Tirikchilik mayli o'tar, rizq Allohdan,
Martabayu markab, xotin-qiz Allohdan.
Qimmatimas qadri agar xor etilsa,
Maddohlikni or bilgan, ne qilish kerak?
Surish kerak!

Bobur nega tortishmadi bu kufrda?
Bugun necha minglab o'g'lon musofirda?
Bir savolga javob bering, vallomatlar:
Haq qalbdami? Yo mansabda bo'lish kerak?
Surish kerak!

So'zlash oson, agar amal qilinmasa,
Ash'or bitmang, elning dardi bilinmasa!
Gar qo'rqsangiz, adolatli gapirgani
Qusmang! Faqat talqon solib, turish kerak!
Surish kerak!
Surish kerak!..
Surish kerak!!!

© Alisher ABDUMALIKXON