Andisha va gʻurur - Jeyn Ostin


Andisha va gʻurur yozuvchining oʻzbek tiliga oʻgirilgan yagona asari. Asarning dastlabki nomi Birinchi taassurot boʻlganini hozirgina bilib qoldim. Kitob qahramonlari Shimoliy Irlandiyaning Chekka Meriton shahrida yashaydilar. Bosh qahramonlar Elizabet Bennet va Fitsuilyam Darsi. Asardagi Elizabet insonlarni juda yaxshi bilaman deb oʻylaydi va birinchi taassurotga ishonib adashadi. U zulm koʻrgan deb oʻylagan Uikhem aslida gʻirt dangasa va maishatparast odam boʻlib chiqadi. Elizabet magʻrur va zulmkor deb oʻylagan Darsi esa oʻta aqlli va oliyjanob boʻlib chiqadi. Elizabetning onasi kaltafahm va biroz ahmoqroq ayol, otasi esa tebsa tebranmas fe‘lli, ammo onasidan ancha aqlli va hazilga usta odam. Elizabetning bitta opasi va uchta singlisi bor. Singillari onasiga tortgan, opasi va oʻzi esa koʻproq otasiga oʻxshashgan. Elizabet 21 yoshda, opasi 23da. Ularda ham biznikiga oʻxshagan qizlarni vaqtli erga berish odati bor ekan. Elizabetning opasi Jeyn tabiat moʻjizasi. Shu qadar oqkoʻngilki qop qora rasmdagi oq dogʻni ham koʻra oladi. Kamchiliklarga toʻla boʻlgan insondan ham bir nechta fazilat topa oladi. Oʻz his tuygʻusini yashira olishiga besh ketdim. Bu hislat koʻpchiligimizda boʻlganda hozir boshqacha holatda boʻlarmidik yana bilmadim. Elizabetning ahmoqligining va yaltoqlanishining chegarasi yoʻq amakivachchasi bor.
Kitob juda qiziqarli barchaga oʻqishni tavsiya qilaman.


@alievblog