Олий Мажлис Қонунчилик палатасидаги “Адолат” СДП фракцияси ҳамда Меҳнат, соғлиқни сақлаш ва ижтимоий масалалар қўмитаси билан ҳамкорликда “Соғлом турмуш тарзи — саломатлик гарови” мавзусида ўтказилган конференцияда ҳаёт, саломатлик ва қарилик гаштини суриб юриш билан боғлиқ долзарб масалалар ҳақида сўз борди.

Маълумки, кейинги йиллар оралиғида соғлиқни сақлаш тизимини ислоҳ қилиш мақсадида давлатимиз раҳбари томонидан қатор ҳужжатлар қабул қилинди. Улар асосида аҳоли саломатлигини тиклайдиган яшил сиҳатгоҳлар, соғломлаштириш масканлари, инфаркт, инсульт, қандли диабет, хавфли ўсма каби юқумли бўлмаган касалликларнинг олдини олиш, ўртача умр кўришни узайтириш учун тавсиялар ишлаб чиқилди, шарт-шароитлар яратилди.