Hindistonga tashrif doirasida Madaniyat va san’atni rivojlantirish jamg‘armasi vakillari o‘zbekistonlik kashtachi Madina Qosimbayeva bilan birgalikda an’anaviy kashtachilik va to‘qimachilik san’atini saqlab qolish bo‘yicha yetakchi markazlardan biri bo‘lgan Mumbay shahridagi Chanakya School of Craft’ga tashrif buyurdi.

Hunarmandlar o‘z tajribalari bilan o‘rtoqlashib, o‘zbek madaniy merosiga hamohang bo‘lgan zardo‘zlik usullariga alohida e’tibor qaratdilar. Madina Qosimboyeva ikki mamlakat an’analarini birlashtirgan so‘zana san’atini namoyish etdi.