Abduvohidov's blog

Kanalni 24 soatdan soʻng maxfiy qilaman. Qo'shilmay kuzatishni imkoni boʻlmaydi (qo'shilmay kuzatadigan bir necha oʻnlab "g'ururlilar" diqqatiga). Kanaldagilar esa mahkamroq joylashib oling. Uchamiz.

Менга зарурмиди шунақа яшаш,
Қоғозга тўкилиб бормоқда умрим.
Орзулар олдинда, аммо кўнгил ғаш,
Кўзларим, сўзларим ёнаётир жим.

Чопаман ненидир излаган бўлиб,
Топмоқчи бўламан недандир таскин.
Шунчалар узунми йўлсизлик йўли,
Шунчалар ҳақирми одамзод – мискин?

Эйвоҳ, тубанликнинг йўриғи кўпдир,
Бир онда минг имкон майдалашгани.
Аялган кўзларнинг жазоси чўпдир,
Мудом дилни тирнар завол наштари…

Менга зарур эди шунақа яшаш,
Илло, зое кетмас ёниқ сўзларим.
Дардларим давримнинг дардига туташ,
Умримни шамолга сотмас кўзларим.

Беҳзод Фазлиддин

Odamlar magʻrurlikdan koʻr boʻlib qolganlar. Ular sizning rasmlaringizni saqlab qoʻyadi, eski xatlaringizni oʻqiydi, birgalikda oʻtkazgan daqiqalaringizni eslaydi va sizni ich-ichdan sogʻinishadi. Ammo oʻzlari koʻrinmaydi, koʻringan taqdirlarida ham oʻzini beparvo koʻrsatishga harakat qiladi. Aslida bular bari inson zotigagina xos boʻlgan odatlar, ha aynan inson zotiga... Ahmoqlik!

Stefan Sveyg

Ba'zan juda boʻgʻilib ketaman. Oʻzimni qafasga majburlab tiqilgan qushga oʻxshataman. Qafasdagi hid shu qadar yoqimsizki o'ldirmaydi, lekin kuldirmaydi ham.

Qafasdan tashqarini havosi ham kafolatli emas. Bundan badtar boʻlsa badtarki yaxshi emas. Lekin toza kengliklarn topish yoki yaratish kerak. Shu sabab qanotni yaxshilab charxlash kerak.

Iloj yoʻq. Xush havo istagan, kengliklarni istagan odam qanot chiqarishi kerak. Uchishi kerak.

Xush havo joylarga ketish kerak. Yoki eski badbo'ylikni yo'qotib, yangi havoni sudrab olib kelishi kerak.

Boʻlmasa bu "havo"da inson nobud boʻladi.

Shoir yozganidek,

Uff, naqadar oʻtkir anqiydi,
Irib ketgan orzu-xayollar,
Chirib yotgan tuygʻular hidi.

Dekabr hisoboti

Mutolaa

1. Savdogarlar ustozi 1
2. Bolalik xotiralarim

Podkast

1. Yaxshi yigit bo'lishni bas qiling

Shuningdek,

📌 Sportga vaqt ajratish orqaga ketdi. Bu oy joyiga keltiraman nasib.
📌 Telefonga vaqt ajratish biroz koʻpaydi. Bu yomon.
📌 Ba'zi "yaqinlarimni" qaytadan tanidim.

📂 Ro'yxatga lozim deb bilmagan boshqa narsalarni kiritmadim.

Shunaqa gaplar. Yangi oy va yil hammamizga barakali va xayrli boʻlsin.

OTABEK NOLASI

Marg'ilonda yog'ayapti qor,
u yerlarda qolmagan yumush.
Kelishimga bo'lib intizor,
yo'llarimni poylaydi Kumush.

Xayollarim kezinar – daydib,
tag'in uni o'ylagan sari,
yuragimga buncha o'xshaydi,
Marg'ilonning tor ko'chalari..?

Nega – so'ldi mendagi saza,
nega to'ldi alamning qaydi?
Hayotimda Zaynab yashasa,
xayolimda Kumush yashaydi.

Onam duo qilgan har ondan,
ko'nglim tog'day, emasdir haqir.
Ota duosisiz bironta
ish xayrli bo'lmagan axir.

Ayni damda yurak titrar zir,
ayni damda or qiynaydi, or.
Men va Kumush ko'zidan yomg'ir,
Marg'ilonda yog'ayapti qor...

Erkin Hojimuhammad

RAZOLAT

Bir sher cho‘chqa bilan uchrashib qoldi. Cho‘chqa surbetlik bilan sherga dedi:
— Men bilan jang qil!
Sher dedi:
— Sen cho‘chqasan axir. Sen mening tengim emassan. Agar sen bilan jang qilib seni o‘ldirsam, hayvonlar: "Sher cho‘chqani o‘ldirdi. Bu faxrli ish emas!", deyishadi. Agar sen tomondan menga biror zarar yetsa, bu men uchun haqoratdir!
Cho‘chqa dedi:
— Agar men bilan jang qilmasang, hayvonlarga mendan qo‘rqqaningni, jang qilishdan bosh tortganingni aytaman!
Sher dedi:
— Mo‘ylabimni sening qoning bilan bo‘yaganimdan ko‘ra, yolg‘oningga sabr qilishim osonroq!

---

Ba'zilar bizga raqib bo‘lishga arzimaydi. Ba'zi janglarga avvaldan kirishmaslikning o‘zi g‘alabadir.
Razillar bilan ular uslubida jang qilsangiz, siz ham razil bo‘lasiz!

Abdulqodir Polvonov

Sochimga oq tushdi
Yuzimga ajin
Ko‘nglim hech joyiga tushmadi...

Qoshimni qaro qilding
Ko‘zimni qaro
Manglayimni qaro qilma
Xudoyo!

Guljamol Asqarova

Ona!
Davralarning guli boʻldim men,
Yolgʻon maqtovlarning quli boʻldim men.
Quyoshning tik ketgan yoʻli boʻldim men,
Qumlari toʻzgʻigan choʻlcha qadrim yoʻq.

Toʻkila olmasman toʻlganim bilan,
Kimning ham ishi bor oʻlganim bilan,
Narximni osmonlar qilganim bilan,
Bozorda sotilgan qulcha qadrim yoʻq.

Yuragi uygʻoqlar xor oʻtdilarmi,
Men kabi qabrida qon yutdilarmi.
Qandoq olov edim, unutdilarmi,
Oʻchoqda sovigan kulcha qadrim yoʻq.

Ishqlari qiyomat qadar edilar,
O, koshki bilmasam, aldar edilar,
Daryodil shoir deb alqar edilar,
Ay, bugun koʻlmakcha, koʻlcha qadrim yoʻq.

Vatan, ildizlaring vatan aylovdim,
Yalpizlardan yashil kafan aylovdim,
Ne-ne choʻllaringni chaman aylovdim,
O, bugun qurigan gulcha qadrim yoʻq.

Bir haq soʻzni izlab sayyora edim,
Bu yurtda eng mashhur favvora edim.
Ovvora edim-a, ovvora edim,
Hamonki, tuproqcha, gilcha qadrim yoʻq.

Men bir shoir edim, ohanglari hush,
Onamning qornida koʻrgan edim tush.
Men ozod bogʻlarda kuylagan bir qush,
Qafasda oʻlgan...bulbulcha qadrim yoʻq.

Guljamol Asqarova

Aslan yolg'izsan

Do'stlaring qancha koʻp boʻlmasin,

Tugʻilgan kuningda qancha koʻp inson tabriklamasin,

Ogʻir kunlardagi yuk, mas'uliyat oʻzingning boʻyningga tushadi.

Hech kim sening hayot yuklaringga qarashib yubormaydi,

Dardingni oʻzi bilan boʻlishmaydi,

Ba'zan ota-onang seni tushunmay qoladiyu,

Boshqa odamlardan nimadir kutasanmi.

Yolg'izlikni qabul qil va bunga ko'nik.

Yolgʻiz oʻzing kuchli boʻl.

Sen zaif holda hech kimga kerak emassan.

Puling yoʻq yoki nosogʻlom boʻlchi nima boʻladi?

Ota-onang tengdoshlaring bilan solishtirishni boshlaydi,

Ering yo ayoling nadoyel uje kasal qarash deydi. Menga sogʻlom juft kerak deydi.

Xa jigar uzr, men bor haqiqatni aytib qoʻydim.

Usti-boshing abgor boʻlsa odamlar daje gapingni jiddiy qabul qilmaydi.

Bitta xatoying barcha yaxshiliklaringni, yaxshi hislatlaringni yuvib ketadi.

Faqatgina Xudo birgina tavba yoki yaxshiliging uchun qolgan baaaarcha xatolaringni oʻchirib yuborishi mumkin.

Faqat Xudo seni pulingga, kiyimingga, sog'ligingga qaramay seni tinglaydi.

Xa aslida yolg'izsan. Xudodan boshqa hech kiming yoʻq.

Shuning uchun odamlardan nimadir kutishni bas qil. Buni kutmagandim demaslik uchun odamlardan hamma narsani kut.

Yomonlikni kut, yovuzlikni kut. Xiyonatni kut.

Doʻstim deb siringni aytgan insoningdan oʻsha siring bilan seni masxara qilishini kut.

Va bitta narsani tan ol va qabul qil.

Sen yolgʻizsan. Hammasini oʻzing yengib oʻtishing kerak. Oʻzing kurashishing kerak. Oʻzingni statusingni oʻzing yaratishing kerak. Odamlarga bogʻlanib qolmasliging kerak.