Joriy yilning 8–22-yanvar kunlari mazkur Davlat dasturi loyihasi keng jamoatchilik muhokamasidan oʻtkazildi. Muhokamalar jarayoni ommaviy axborot vositalari va ijtimoiy tarmoqlarda keng yoritilib, aholi oʻrtasida katta qiziqish uygʻotdi hamda fuqarolarni faol ishtirok etishga ragʻbatlantirdi.

Muhokamalarda nafaqat yurtdoshlarimiz, balki xalqaro hamjamiyat va xorijda istiqomat qiluvchi vatandoshlarimiz ham faol qatnashib, oʻz qimmatli taklif va mulohazalarini bildirdi.

Jamoatchilik va ekspertlarning faol ishtiroki natijasida loyiha sezilarli darajada takomillashtirildi va unga muhim oʻzgartishlar kiritildi. Xususan, bildirilgan fikr va takliflar asosida 100 ga yaqin konseptual, mingdan ziyod aniqlik kirituvchi va tahririy takliflar Davlat dasturi loyihasida aks ettirildi.

Ushbu dasturni samarali amalga oshirishda jamoatchilik va ekspertlar bilan hamkorlikni davom ettirishga umid qilamiz.

Barcha faollarga samimiy minnatdorchilik bildiramiz!