* * *
– Ўшанда жуда чиройли кетдинг... – деди эркак. –
Йигирма йилки кетишингни унитолмайман.
– Раҳмат. – деди аёл.
– На жанжал, на зуғум, на бир оғир сўз....
Фақат эсимда,
кетаётганингда елканг бетўхтов силкинди...
Йиғлаган эдингми?
– Йиғлаган эдим.
Ёшим тўхтаган йўқ
ҳали ҳануз ҳам...

Сукунат.

Эркак бош эгди.

Қанча уринмасин кўтаролмади бошини.

Елкаси эса,
силкингани-силкинган...

Усмон Азим

https://telegram.me/dilgamaktublar