Сиқилмагин

Тугамаса ташвиш камларинг.
Юзинг ювса кўзда намларинг,
Қаддинг эгса гарчи ғамларинг,
Фақтгина Аллоҳга суян,
Сиқилмагин сен бундан буён.

Қилма сира жонингга жабр,
Дуоларда сўрагин сабр.
Ўз ўзингга қазимай қабр,
Фақатгина Аллоҳга суян,
Сиқилмагин сен бундан буён.

Ҳар дардингга топилар чора,
Аллоҳ оҳинг эшитса зора,
Қалбинг адо қилмай табора,
Фақатгина Роббингга суян,
Сиқилмагин сен бундан буён.

Не бўлса ҳам, вақтга қўйиб бер,
Қаддинг тутиб, мисли юргин шер,
Одамзодга қачон тўйган ер?..,
Фақатгина Аллоҳга суян,
Сиқилмагин сен бундан буён.

Раҳмдил зот раҳм қилади,
Дилда борин барин билади,
Бир кун толеъ, иқбол кулади,
Фақатгина Аллоҳга суян,
Сиқилмагин сен бундан буён.

Эй Феруза!, фикр қил ўйла,
Дуолар қил, шукрдан сўйла.
Истиғфор айт, қўшиқ қил, куйла,
Фақатгина Аллоҳга суян,
Сиқилмагин сен бундан буён.

✍ Феруза Абдусаматова.

17.01.2025. @sheriat_olami