Talabalar sizni eshitmaydi. Javdirab qarab turishadi - yu, fikru hayollari boshqa yoqda. Nazarimda, mo'rtroq kishilarning ruhiyati parcha-parcha bo'lib ketgandek. Ular go'yo ona tovuq tomonidan yetim qilingan jo'jalar, chiyb- chiyb etib, nima qilishlarini bilmay, har tomonga to'zg'ib yuribdi. Ona tovuqning oldiga borsa, cho'qiydi. Usiz esa don topib yeyish, do'st va dushmanni farqlab, sog'-salomat yurish-muammo.

© Ulug'bek Hamdam (Muvozanat kitobidan)