Sayxunobod tumanida kambag‘allikni qisqartirish va bandlikni ta'minlash borasida yangi tashabbuslar amalga oshirilmoqda

Sayxunobod tumanida kambag‘allikni qisqartirish va bandlikni ta'minlash borasida amalga oshirilayotgan dasturlar doirasida, Kambagʻallikni qisqartirish va bandlik vaziri B.Zaxidov tuman hududida aholi tomorqasidan samarali foydalanish, shuningdek, har bir oilada kichik issiqxonalar tashkil etish bo‘yicha amalga oshirilayotgan ishlarni o‘rgandi.

Vazirning tashrifi doirasida, Sayxunobod tumani aholisi bilan uchrashuvlar o‘tkazildi, aholining tomorqa yerlarini yanada samarali foydalanish, bu orqali ularning daromadini oshirish va bandligini ta'minlashga qaratilgan yangi tashabbuslar muhokama qilindi. Tomorqa yerlaridan samarali foydalanish, ayniqsa, qishloq joylarida aholi farovonligini yaxshilashda katta o‘rin tutadi. Vazir B.Zaxidov ushbu jarayonni tizimli va rejalashtirilgan tarzda amalga oshirish zarurligini ta'kidladi.

🚀Telegram 🟦Web-site 🔵Facebook